બબાલ / ડાકોર મંદિરમાં મારામારી: દર્શન કરવા બાબતે થયેલી બોલાચાલીએ ધર્યું ઉગ્ર રૂપ, મામલો પહોંચ્યો પોલીસ સ્ટેશન

Dakor : યાત્રાધામ ડાકોરમાં આવેલા રણછોડરાયજી મંદિરમાં મારામારી ની ઘટના સામે આવી છે. આજે સવારે મંગળા આરતી સમયે સામસામે મારામારી થઈ છે. જેનો વીડિયો સામે આવ્યો છે. મળતી માહિતી મુજબ દર્શન કરવાની બાબતને લઈ મંદિરના ઘુમ્મટમાં સામસામે બોલાચાલી થઈ હતી. જે ઉગ્ર બનતા મારામારી થઈ હતી. જેનો વીડિયો સોશિયલ મીડિયા પર વાયરલ થયો છે.

મારામારીની ઘટનાનો વીડિયો વાયરલ થયો

ખેડામાં ડાકોર મંદિર માં વહેલી સવારે દર્શન કરવાની બાબતે મારામારી થઇ હતી. દર્શન કરવાની જગ્યા બાબતે બોલાચાલી થતા મારામારી થઇ હતી. સમગ્ર ઘટનાનો વીડિયો સામે આવ્યો છે. ઘટના વહેલી સવારે મંગળા આરતીમાં દર્શન સમયે બની હતી. આજે વહેલી સવારે યાત્રાધામ ડાકોર મંદિરમાં મંગળા આરતી ચાલી રહી હતી ત્યારે દર્શન કરવાની જગ્યા બાબતે મામલો વણસ્યો હતો. રણછોડરાયજી મંદિરના ઘુમ્મટમાં સામસામે મારામારી થઇ હતી. મારામારીની ઘટનાનો વીડિયો વાયરલ થયો છે.  ઘટનાને પગલે પૂજારીનું ટોળું પોલીસ સ્ટેશન પહોચ્યુ છે.

આ પણ વાંચોઃ કવાયત / MS યુનિવર્સિટીની BBA કોલેજમાં યોજાઇ આતંકી હુમલાની મોકડ્રીલ

અગાઉ પણ મંદિરમાં મારામારી થઇ હતી

મારામારીની આ પહેલી ઘટના નથી. અગાઉ પણ મંદિરમાં દર્શનાર્થીઓ સાથે મારામારીની ઘટના સામે આવી હતી. તાજેતરમાં મંદિરમાં દર્શન કરવા આવેલા પરિવારનો કોઈ વાતને લઈને બોલાચાલી થતા મંદિરના કર્મચારી પર હુમલો કર્યો હતો. હુમલાની સમગ્ર ઘટના સીસીટીવી કેમેરામાં કેદ થઈ ગઈ હતી. વડોદરાનો એક પરિવાર દર્શન કરવા માટે આવ્યો હતો. મંદિરમાં મહિલાઓના દર્શન માટે અલગ લાઈન રાખવામાં આવેલી હતી. જોકે મહિલાઓની લાઈનમાં પુરુષ દર્શન કરવા જતા કર્મચારીએ તેમને રોક્યા હતા. આ બાદ બોલાચાલી થતા ગુસ્સે થયેલા પરિવારના સભ્યોએ કર્મચારી સાથે મારામારી કરી હતી. કર્મચારી પર હુમલાની ઘટના મંદિર પરિસરમાં લાગેલા સીસીટીવી કેમેરામાં કેદ થઈ ગઈ હતી. જોકે આખરે પરિવારને પોતાની ભૂલ સમજાતા તેમણે કર્મચારીની માફી માંગી લીધી હતી. જે બાદ કર્મચારીએ રહેમ નજર રાખીને ફરિયાદ નોંધાવી નહોતી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો