ત્રણ વર્ષથી કેનેડામાં રહેતી આણંદની યુવતીની કચડાયેલી હાલતમાં લાશ મળી આવી છે. આ યુવતી આણંદના બોરસદના પામોલની છે જેની લાશ મળી આવતા પરિવારજનો શોકમાં ડૂબ્યા હતા. પોલીસે આ કેસમાં વધુ તપાસ હાથ ધરી છે.
લગ્ન બાદથી કેનેડામાં રહેતી હતી હિરલ પટેલ
પરિવારજનોએ હત્યાનો લગાવ્યો આરોપ
12મી તારીખે કેનેડા પોલીસે પણ ટ્વીટ કર્યું હતું
છેલ્લાં એક વર્ષથી તેના સાસરિયાઓ તેને ત્રાસ આપી રહ્યા હતા
માહિતી અનુસાર આ યુવતીનું નામ હિરલ પટેલ છે ને તે બોરસદના પામોલની વતની છે. ત્રણ વર્ષ પહેલાં લગ્ન કરીને પતિ સાથે તે કેનેડામાં નિવાસ કરતી હતી. હિરલનાં લગ્નજીવનમાં ઉતાર ચડાવ આવી રહ્યા હતા. પરિવારજનોનું કહેવું છે કે છેલ્લાં એક વર્ષથી તેના સાસરિયાઓ તેને ત્રાસ આપી રહ્યા હતા અને તેવા સમયમાં જ યુવતીની લાશ મળી આવતા શંકા પેદા થઇ રહી છે.
ઉલ્લેખનીય છે કે આ યુવતી વિશે કેનેડા પોલીસે 12મી જાન્યુઆરીએ ટ્વીટ કર્યું હતું. આ ટ્વીટમાં જણાવવામાં આવ્યું છે કે હિરલ પટેલ 11મી તારીખે ગુમ થયેલ છે અને તેણે બ્લેક જેકેટ અને ગ્રે પેન્ટ પહેર્યું હતું.
MISSING:
Heeral Patel, 28
- Last seen Jan 11, 11 pm, Islington Av + Steeles Av W
- 5'2, 110, light complexion, thin build, brown eyes, long black hair
- Black jacket, grey pants, black/white knapsack#GO78728
^dh pic.twitter.com/o8e77YlS7o
યુવતીની લાશ મળી આવ્યા બાદ શોકમાં ડૂબેલા પરિવારે સાસરીયાઓ પર જ હત્યાનો આરોપ લગાવ્યો છે. ત્યારે હવે પોલીસ આ કેસમાં હત્યા કરવામાં આવી છે કે આ માત્ર એક અકસ્માત છે તે વિષયમાં વધુ તપાસ હાથ ધરી છે.