દીકરીના ભાવીનો ચુકાદો / રેપનો ભોગ બનેલી 15 વર્ષની છોકરીને ગર્ભપાતની મંજૂરીનો હાઈકોર્ટનો ઈન્કાર આપ્યું અભૂતપૂર્વ કારણ

• બોમ્બે હાઈકોર્ટે 15 વર્ષની છોકરીને ન આપી ગર્ભપાતની મંજૂરી
• રેપ પીડિતા છે 28 અઠવાડિયાની ગર્ભવતી
• હાઈકોર્ટે ગર્ભપાતના કિસ્સામાં બાળક જીવતું મળી શકે 

બોમ્બે હાઈકોર્ટની ઔરંગાબાદ બેન્ચે 15 વર્ષની સગીર બળાત્કાર પીડિતાને તેના 28 અઠવાડિયાના ગર્ભને સમાપ્ત કરવાની પરવાનગી આપવાનો ઇનકાર કર્યો છે. ડોકટરોના અભિપ્રાય પછી હાઈકોર્ટે આ પગલું ભર્યું હતું કે જો ગર્ભાવસ્થાના આ તબક્કે ગર્ભપાત કરવામાં આવે તો પણ, બાળક જીવિત જન્મવાની સંભાવના છે, જેને નિયોનેટલ કેર યુનિટમાં દાખલ કરવાની જરૂર પડશે. જસ્ટિસ આર વી ઘુગે અને વાય જી ખોબ્રાગડેની ખંડપીઠે 20 જૂનના પોતાના આદેશમાં કહ્યું હતું કે જો ગર્ભપાતની પ્રક્રિયા છતાં બાળક જીવિત જન્મે તેવી સંભાવના હોય તો બાળકના ભવિષ્યને ધ્યાનમાં રાખીને ગર્ભપાતને સમાપ્ત ન કરવો જોઈએ. 

હાઈકોર્ટમાં પીડિતાની માતાએ શું કહ્યું 
હાઈકોર્ટે કહ્યું કે કુદરતી ડિલિવરી માત્ર 12 અઠવાડિયા દૂર છે, બાળકના સ્વાસ્થ્ય અને વિકાસને ધ્યાનમાં રાખવું પડશે. બેંચ બળાત્કાર પીડિતાની માતાની અરજી પર સુનાવણી કરી રહી હતી, જેણે તેની પુત્રીના 28-અઠવાડિયાના ગર્ભને સમાપ્ત કરવાની પરવાનગી માંગી હતી. મહિલાએ તેની અરજીમાં કહ્યું હતું કે તેની પુત્રી આ વર્ષે ફેબ્રુઆરીમાં ગુમ થઈ હતી અને ત્રણ મહિના પછી રાજસ્થાનમાં એક વ્યક્તિ સાથે પોલીસને મળી હતી. આ વ્યક્તિ સામે પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ (POCSO) એક્ટ હેઠળ કેસ નોંધવામાં આવ્યો હતો. 

હાઈકોર્ટે 15 વર્ષની સગીરાના ગર્ભપાતની કેમ મંજૂરી ન આપી 
બળાત્કાર પીડિતાની તપાસ કરનાર મેડિકલ ટીમે કહ્યું હતું કે જો ગર્ભપાતની પ્રક્રિયા હાથ ધરવામાં આવે તો પણ બાળક જીવિત જન્મી શકે છે અને તેને નિયોનેટલ કેર યુનિટમાં દાખલ કરવાની જરૂર પડશે અને પીડિતાના જીવ પર જોખમની તો સંભાવના છે જ. આ જ કારણે હાઈકોર્ટે સગીરાને 28 અઠવાડિયાના ગર્ભને પાડી દેવાની મંજૂરી ન આપી. 

કુદરતી રીતે જન્મતું બાળક ખામી વગરનું હોઈ શકે 
હાઈકોર્ટે કહ્યું કે પરાણે ડિલિવરીની મંજૂરી આપવાનું સૌથી મોટું નુકશાન એ થશે કે જે બાળક કુદરતી ડિલવરી દ્વારા જન્મી શકે તેને ગર્ભપાતના માધ્યમ દ્વારા ખોડખામીવાળું થઈને આ દુનિયામાં આવવું પડશે. તો બીજી તરફ જો બાળક કુદરતી રીતે જન્મે તો તે સંપૂર્ણપણે ખોડખાંપણથી મુક્ત હશે અને તેથી તેના દત્તકની સંભાવના ઘણી વધી જશે.