વિવાદનો અંત / નવાઝુદ્દીન સિદ્દીકીનું તેની પત્ની સાથે થઇ ગયું પેચઅપ, આલિયાએ જણાવ્યું કારણ

નવાઝુદ્દીન સિદ્દીકીની પર્સનલ લાઈફ લાંબા સમય સુધી ચર્ચામાં રહી હતી. અભિનેતાની તેની પત્ની આલિયા આનંદ પાંડેની સાથે ઘરેલું વિવાદ એટલો આગળ વધ્યો હતો કે બંનેએ તલાક લેવાનો નિર્ણય કર્યો હતો. આલિયા બાળકો સાથે દુબઈ રહેતી જ્યારે નવાઝ મુંબઈમાં રહેતો હતો. બંને તરફથી એકબીજા ઉપર ગંભીર આરોપો લગાવવામાં આવ્યા હતા. પરંતુ તાજેતરમાં જ આલીયાએ એક ફોટો શેર કરીને બધાને સ્તબ્ધ કરી દીધા.

તેમણે બાળકોની સાથે નવાઝ અને પોતાનો એક ફોટો શેર કર્યો અને લગ્નની વર્ષગાંઠ ઉજવવાનો દાવો કર્યો. આ ફોટોને લઈને ઘણા લોકોના મનમાં સવાલ ઉઠ્યો અને આ સવાલના જવાબમાં આલિયાએ કહ્યું કે તે અને નવાઝે તેમના બાળકો માટે ફરી સાથે રહેવાનો નિર્ણય કર્યો છે. આલિયાએ સોશ્યલ મીડિયા પર જણાવ્યું કે લગ્નની વર્ષગાંઠ પર નવાઝ મને અને બાળકોને મળવા દુબઈ આવ્યો હતો.

વધુ વાંચો: કરીના-કરિશ્મા અને ગોવિંદા લડશે લોકસભા ચૂંટણી! શિવસેના શિંદે જૂથમાં થઇ શકે છે સામેલ

તેમણે એક ઇન્ટરવ્યુમાં કહ્યુ કે, તેમના લગ્નજીવનમાં કોઈ ત્રીજી વ્યક્તિનાં કારણે સમસ્યા થઇ હતી પણ હવે બધું સરખું છે. તેમણે એ પણ કહ્યું કે અમારું સાથે આવવાનું પહેલું કારણ અમારા બાળકો છે. આલિયાએ આગળ જણાવ્યું કે, હવે અલગ રહેવાનો કોઈ અર્થ નથી. બાળકો હવે મોટા થઇ રહ્યા છે અને અમારે સાથે રહેવાની જરૂર છે. નવાઝ શોરાને બહુ જ પ્રેમ કરે છે, જે કઈ પણ થયું હતું તેના પછી તે ચિંતામાં હતી. શોરા આ બધું સહન ન કરી શકી. આલિયાએ કહ્યુ કે, નવાઝ પાછો મુંબઈ આવી ગયો છે અને ટૂંક સમયમાં તે પણ તેના બાળકો સાથે મુંબઈ પરત ફરશે, જેથી તે બધા સાથે રહી શકે.

તમને જણાવી દઈએ કે આલિયાએ નવાઝ પર ઘણાં ગંભીર આરોપ લગાવ્યા હતા અને નવાઝ સાથે ઝગડાનો વિડીયો પણ વાયરલ કર્યો હતો સાથે પર્સનલ ચેટ પણ શેર કરી હતી. આ પછી તેમણે સોશ્યલ મીડિયા પર નવાઝને માફ કર્યો તેવું કહ્યું હતું અને બિગબોસમાં જણાવ્યું કે અમારી વચ્ચે બધું પતી ગયું છે. પણ હવે તે સાથે આવી ગયા છે અને આ વાતથી ફેન્સ ઘણા ખુશ છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો