બોલિવૂડ એક્ટર ઈમરાન હાશ્મી હાલમાં જમ્મુ કાશ્મીરના પહેલગામમાં તેની આગામી ફિલ્મનું શૂટિંગ કરી રહ્યા છે. જ્યાં તેના પર તોફાની તત્વોએ પથ્થરમારો કર્યો હતો.
ઈમરાન હાશ્મી પર જમ્મુ કાશ્મીરમાં હુમલો
પથ્થરબાજોની ધરપકડ
પહેલગામમાં ફિલ્મ 'ગ્રાઉન્ડ ઝીરો'નું શૂટિંગ
બોલિવૂડ એક્ટર ઈમરાન હાશ્મી હાલમાં જમ્મુ કાશ્મીરના પહેલગામમાં તેની આગામી ફિલ્મનું શૂટિંગ કરી રહ્યો છે. જણાવવામાં આવી રહ્યું છે કે હાલમાં જ જ્યારે અભિનેતા શૂટિંગ પૂરું કરીને સાંજે બહાર આવ્યો ત્યારે એક બદમાશએ તેના પર પથ્થરમારો કર્યો હતો. જોકે, પથ્થરબાજોની ઓળખ કર્યા બાદ તેની ધરપકડ કરવામાં આવી છે. આ સમગ્ર ઘટના અંગે અનંતનાગ પોલીસે પણ પોતાનું નિવેદન જાહેર કર્યું છે.
તેમના નિવેદનમાં, પોલીસે જણાવ્યું હતું કે 'પહલગામ'માં ચાલી રહેલી ફિલ્મના શૂટિંગ દરમિયાન, 18 સપ્ટેમ્બરના રોજ સાંજે 07:15 વાગ્યે શૂટ પૂર્ણ કર્યા પછી, એક બદમાશોએ ક્રૂ મેમ્બરો પર પથ્થરમારો કર્યો હતો. આ કેસમાં પહેલગામ પોલીસ સ્ટેશનમાં FIR (FIR નંબર 77/2022) નોંધવામાં આવી છે. તે જ સમયે, બદમાશની પણ ઓળખ કરી લેવામાં આવી છે અને તેની ધરપકડ કરવામાં આવી છે.
J&K | During the ongoing film shooting at Pahalgam, on 18th Sept, at the closing of the shooting at 7:15pm, One miscreant pelted stones at the crew members. Accordingly, FIR was registered at Police Station Pahalgam. The miscreant was identified and arrested: Anantnag Police
સ્થાનિકોનાં જણાવ્યા અનુસાર ઈમરાને ચાહકો સાથે વાતચીત કરી નહોતી અને ફોટો પડાવ્યો નહોતો જેના કારણે તેઓ ગુસ્સે થયા હતા અને હુમલો કરી દીધો હતો. જો કે આ બાબતની પુષ્ટિ હજુ થઈ શકી નથી.
FIR નોંધવામાં આવી
ઈમરાન હાશ્મી જ્યારે દક્ષિણ કાશ્મીરમાં શૂટિંગ કરી રહ્યો હતો ત્યારે પહેલગામમાં તેના પર પથ્થરમારો કરવામાં આવ્યો હતો. સૂત્રોનું કહેવું છે કે આ સંબંધમાં કલમ 77/22 U/S 147, 148, 370, 336, 323 હેઠળ એફઆઈઆર નોંધવામાં આવી છે. જણાવી દઈએ કે ઈમરાન કાશ્મીરના પહેલગામમાં તેની આગામી ફિલ્મ 'ગ્રાઉન્ડ ઝીરો'નું શૂટિંગ કરી રહ્યો છે.
કઈ ફિલ્મમાં જોવા મળશે?
તમને જણાવી દઈએ કે 'ગ્રાઉન્ડ ઝીરો'નું નિર્દેશન તેજસ દેઉસ્કર કરી રહ્યા છે. આ સિવાય ઈમરાન હાશ્મી અક્ષય કુમારની 'સેલ્ફી' અને 'ટાઈગર 3'માં સલમાન ખાન સાથે જોવા મળશે. રિપોર્ટ્સનું માનીએ તો ઈમરાન 'ટાઈગર 3'માં નેગેટિવ રોલમાં હશે. તાજેતરમાં જ અભિનેતા 'દિબુક' અને 'ચેહરે'માં જોવા મળ્યો હતો અને અભિનેતાની બંને ફિલ્મોને વધુ પસંદ કરવામાં આવી ન હતી.