કોણ જવાબદાર / એકનું મોત, એક ઘાયલ, ભરૂચના ઝઘડિયા GIDCની નાઈટ્રેકસ કંપનીમાં થયો ભયંકર બ્લાસ્ટ

ભરૂચ જિલ્લામાં આવેલ ઝઘડિયા GIDCની નાઈટ્રેક્સ કંપનીમાં આજે એક ગંભીર ઔદ્યોગિક અકસ્માત સર્જાયો હતો. રસાયણિક પ્રક્રિયા દરમ્યાન બોલ ડાઈજેસ્ટરમાં અચાનક થયેલા બ્લાસ્ટથી પ્લાન્ટ વિસ્તારમાં ભયનું માહોલ સર્જાયો હતો.

બે કામદારો ગંભીર રીતે ઘવાયા

બ્લાસ્ટ સમયે નજીકમાં કાર્યરત બે કામદારો ગંભીર રીતે ઘવાયા હતા. જેમાંથી એક કામદારનું સ્થળ પર જ દુર્ઘટનાજન્ય મોત નિપજ્યું છે, જ્યારે બીજા કામદારને તાત્કાલિક સારવાર માટે હોસ્પિટલ ખસેડવામાં આવ્યો છે. તેની હાલત ગંભીર હોવાનું જાણવા મળ્યું છે.

આ પણ વાંચોઃ પીપરાળા ચેકપોસ્ટ નજીકથી ઝડપાયો 31.74 લાખનો વિદેશી દારૂ, દારૂબંધી પર સવાલ!

ધુમાડો દૂર સુધી દેખાયો

બ્લાસ્ટના અસરથી ઉઠેલો ધુમાડો દૂર સુધી દેખાયો હતો, જેના કારણે આસપાસના વિસ્તારોમાં ગભરાટ ફેલાયો હતો. ઘટનાની જાણ થતાં જ ઇન્ડસ્ટ્રીયલ સેફટી એન્ડ હેલ્થ (DISH) વિભાગના અધિકારીઓ તેમજ પોલીસ દળો તાત્કાલિક ઘટનાસ્થળે દોડી આવ્યા હતા. હાલમાં બંને વિભાગો દ્વારા તપાસ શરૂ કરવામાં આવી છે અને બ્લાસ્ટના કારણોને લઈને પ્રાથમિક તારણો એકત્રિત કરવામાં આવી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ