- મિશન 2024ને પાર પાડવા ભાજપ એક્ટિવ મોડમાં
- 2024ની ચૂંટણી પહેલાં ભાજપનો માસ્ટર પ્લાન તૈયાર
- આ દિગ્ગજ મંત્રીઓને ઉતારી શકે છે મેદાનમાં
દેશમાં આગામી લોકસભા ચૂંટણી માટે એક વર્ષથી પણ ઓછો સમય બાકી છે. PM મોદીના નેતૃત્વમાં ભાજપે તૈયારીઓ શરૂ કરી દીધી છે પરંતુ કર્ણાટકમાં મળેલા આંચકા બાદ ભાજપ એક્શનમાં છે. આ તરફ સૂત્રોનું માનીએ તો ભાજપ 2024માં મોટા ફેરફારો સાથે મેદાનમાં ઉતરવાની તૈયારી કરી રહ્યું છે.
2024માં ભાજપે કેન્દ્ર સરકારમાં સામેલ તમામ મંત્રીઓને લોકસભા ચૂંટણી લડાવવાનું મન બનાવી લીધું હોવાનું સૂત્રો જણાવી રહ્યા છે. મોદી સરકારના ઘણા દિગ્ગજ મંત્રીઓ ચૂંટણી મેદાનમાં જોવા મળી શકે છે. જેમાં વિદેશ મંત્રી એસ જયશંકર, નાણા મંત્રી નિર્મલા સીતારમણ, રેલ્વે મંત્રી અશ્વિની વૈષ્ણવ અને શિક્ષણ મંત્રી ધર્મેન્દ્ર પ્રધાન જેવા નેતાઓ પોતાના માટે વોટ માંગતા જોવા મળી શકે છે. હાલ આ લોકો રાજ્યસભાના સભ્ય છે.
ટોચની નેતાગીરીએ મંત્રીઓને શું સંદેશ આપ્યો ?
સૂત્રોનું માનીએ તો પાર્ટીની ટોચની નેતાગીરીએ મંત્રીઓને સંદેશ આપ્યો છે કે, તેઓ 2024માં પોતાના માટે લોકસભાની બેઠકો શોધવાનું શરૂ કરે કે જ્યાંથી તેઓ ચૂંટણી લડી શકે. એટલું જ નહીં,આ મંત્રીઓની બેઠકોને લઈને પણ ચર્ચાઓ શરૂ થઈ ગઈ છે. રાજકીય વર્તુળોમાં એવી ચર્ચા છે કે, વિદેશ મંત્રી એસ જયશંકર દિલ્હી અથવા તમિલનાડુની કોઈપણ બેઠક પરથી ચૂંટણી લડી શકે છે.
ધર્મેન્દ્ર પ્રધાન ઓડિશાના દેવઘરથી એકવાર ચૂંટણી જીતી ચૂક્યા છે. આવી સ્થિતિમાં તેઓ ઓડિશામાં જ કોઈપણ બેઠક પરથી ચૂંટણી લડે તેવી સંભાવના છે. મંત્રી જ્યોતિરાદિત્ય સિંધિયાએ પણ તૈયારીઓ શરૂ કરી દીધી છે. 2019માં સિંધિયા કોંગ્રેસની ટિકિટ પર ગુના સીટથી ચૂંટણી લડ્યા હતા પરંતુ ભાજપ સામે હારી ગયા હતા. બાદમાં સિંધિયા ભાજપમાં જોડાયા અને રાજ્યસભાના સાંસદ બન્યા. હવે ફરી એકવાર તેઓ લોકસભાની તૈયારી કરી રહ્યા છે.
યાદીમાં કયા કયા મંત્રીઓના નામ ?
- નાણાં કોર્પોરેટ બાબતોના મંત્રી નિર્મલા સીતારમણ તમિલનાડુમાંથી ચૂંટણી લડી શકે છે.
- વિદેશ મંત્રી ડૉ.સુબ્રહ્મણ્યમ જયશંકર તમિલનાડુથી ચૂંટણી લડી શકે છે.
- પીયૂષ ગોયલ, કેન્દ્રીય વાણિજ્ય અને ઉદ્યોગ મંત્રી, ઉપભોક્તા બાબતો, કાપડ મહારાષ્ટ્રમાંથી ચૂંટણી લડી શકે છે.
- શિક્ષણ, કૌશલ્ય વિકાસ અને સાહસિકતા મંત્રી ધર્મેન્દ્ર પ્રધાન ચૂંટણીની સીઝનમાં ઓરિસ્સામાંથી ચૂંટણી લડે તેવી શક્યતા છે.
- નારાયણ રાણે-સૂક્ષ્મ, નાના અને મધ્યમ ઉદ્યોગો: મહારાષ્ટ્ર
- સર્બાનંદ સોનોવાલ-આયુષ, બંદરો, શિપિંગ અને જળમાર્ગો: આસામ
- જ્યોતિરાદિત્ય સિંધિયા-નાગરિક ઉડ્ડયન, સ્ટીલ: મધ્યપ્રદેશ
- અશ્વિની વૈષ્ણવ-રેલ્વે, કોમ્યુનિકેશન, ઈલેક્ટ્રોનિક્સ અને ઈન્ફોર્મેશન ટેકનોલોજી: ઓડિશા
- હરદીપ સિંહ પુરી-પેટ્રોલિયમ, હાઉસિંગ અને અર્બન અફેર્સ: પંજાબ હોય કે જમ્મુ અને કાશ્મીર
- મનસુખ માંડવિયા-આરોગ્ય અને કુટુંબ કલ્યાણ, રસાયણો: ગુજરાત
- ભૂપેન્દ્ર યાદવ-પર્યાવરણ અને શ્રમ: હરિયાણા કે રાજસ્થાન
- પરસોત્તમ રૂપાલા-મત્સ્યોદ્યોગ, પશુપાલન અને ડેરી: ગુજરાત
