પ્રશંસા / ભાજપ નેતા ગિરિરાજે લાલુની પુત્રી રોહિણીના કર્યાં મ્હોંફાટ વખાણ, કહ્યું એવું કે લોકોનું દિલ જીતી લીધું

• તમારી પ્રાર્થનથી પિતાનું મનોબળ વધ્યુંઃસાંસદ ડો. મીસા ભારતી
• લાલુ યાદવનું સોમવારે (5 નવેમ્બર) સિંગાપુરમાં કિડની ટ્રાન્સપ્લાન્ટ કરવામાં આવ્યું
• લાલુ યાદવની કિડની અન્ય કોઈએ નહીં પરંતુ તેમની પુત્રી રોહિણી આચાર્યએ દાન કરી

 રાષ્ટ્રીય જનતા દળના પ્રમુખ લાલુ યાદવનું સોમવારે (5 નવેમ્બર) સિંગાપુરમાં કિડની ટ્રાન્સપ્લાન્ટ કરવામાં આવ્યું છે. લાલુ યાદવની કિડની અન્ય કોઈએ નહીં પરંતુ તેમની પુત્રી રોહિણી આચાર્યએ દાન કરી છે. આ ટ્રાન્સપ્લાન્ટ પછી, સામાન્ય લોકોથી લઈને ઘણા મોટા રાજકારણીઓ દ્વારા સોશિયલ મીડિયા પર રોહિણીની પ્રશંસા કરવામાં આવી છે.

રોહિણીની પ્રશંસા કરતા કેન્દ્રીય મંત્રી ગિરિરાજ સિંહે કહ્યું કે તેમને તમારા પર ગર્વ છે. તેણે ટ્વીટ કરીને લખ્યું, “બેટી હો તો રોહિણી આચાર્ય જેવી” તમારા પર ગર્વ છે. તમે આવનારી પેઢીઓ માટે ઉદાહરણ બનશો.

“बेटी हो तो रोहणी आचार्य जैसी” गर्व है आप पर… आप उदाहरण होंगी आने वाले पीढ़ियों के लिए । pic.twitter.com/jzg3CTSmht

— Shandilya Giriraj Singh (@girirajsinghbjp) December 5, 2022

લાલુ યાદવે હોસ્પિટલમાં કહ્યું...
આરજેડી સુપ્રીમો લાલુ યાદવ લાંબા સમયથી કિડની સંબંધિત સમસ્યાથી પીડિત હતા. તે જ સમયે, સોમવારે તેમનું ટ્રાન્સપ્લાન્ટ ઓપરેશન સફળ રહ્યું, ત્યારબાદ આજે તેમની પુત્રી અને સાંસદ ડૉ. મીસા ભારતીએ એક વીડિયો શેર કર્યો છે જેમાં લાલુ યાદવ બોલતા સંભળાય છે. તેણે કહ્યું, તમે લોકોએ પ્રાર્થના કરી. હવે અમને સારું લાગે છે.

તમારી પ્રાર્થનાથી જ પિતાનું મનોબળ વધ્યુંઃમીસા ભારતી
મીસા ભારતીએ આ વીડિયો શેર કરતા લખ્યું કે " તમારી પ્રાર્થનાથી જ પિતાનું મનોબળ વધ્યું, તેમને સારૂ લાગ્યું. આજે પિતાએ તમારા બધાનો ખૂબ આભાર માન્યો છે." સિંગાપોરમાં લાલુ યાદવના ઓપરેશન પહેલા તેમના પરિવારના ઘણા સભ્યો ત્યાં પહોંચી ગય હતા. સિંગાપોરમાં રાબડી દેવી, તેજસ્વી યાદવ, મીસા ભારતી ઉપરાંત અન્ય ઘણા નજીકના લોકો પણ તેમની સાથે હાજર હતા.