નેશનલ / 'પ્રેગ્નન્ટ કરો, 5 લાખ કમાવો', ભૂલથી પણ આવી જોબ ઑફરમાં ના ફસાતા, નહીંતર એકાઉન્ટ તળિયા ઝાટક!

બિહારના નવાદામાં 3 સાયબર ફ્રોડ ઝડપાયા છે. આ ત્રણેય જણા નિઃસંતાન મહિલાઓને ગર્ભવતી બનાવવાના બદલામાં 5 લાખ રૂપિયાની લાલચ આપતા હતા અને કોઈ વ્યક્તિ તેમની જાળમાં આવી જતા જ તેને રજીસ્ટ્રેશનના નામે છેતરપિંડીનો શિકાર બનાવતા હતા.

નિઃસંતાન મહિલાઓને ગર્ભવતી બનાવો અને લાખો કમાવો… છેલ્લા કેટલાક દિવસોથી બિહારના નવાદામાં દરેક જગ્યાએ આવી અનેક જાહેરાતો જોવા મળી રહી છે. ઘણા લોકોએ જાહેરાત નીચે આપેલા નંબર પર સંપર્ક કર્યો. પછી તેમને સામેથી કહેવામાં આવ્યું કે તમારે એવી સ્ત્રીઓને ગર્ભાધાન કરવું પડશે જેમને કોઈ સંતાન નથી. જો મહિલા ગર્ભવતી થશે તો તમને 5 લાખ રૂપિયા મળશે. જો મહિલા ગર્ભવતી ન થાય તો પણ તમને 50 હજાર રૂપિયા ચોક્કસ મળશે.

ઘણા લોકો પૈસા કમાવવાના લોભમાં આ નોકરી માટે સંમત થયા. પરંતુ તેઓ જાણતા ન હતા કે તેમની સાથે આગળ શું થવાનું છે. જાહેરાતકર્તાઓએ નોંધણીના નામે તે લોકો પાસેથી ફી વસૂલવાનું શરૂ કર્યું. પરંતુ જેમ જેમ લોકો ફી ચૂકવે છે, જાહેરાતકર્તાઓ તેમને બ્લોક કરી દેતા હતા. આવા અનેક છેતરપિંડીના મામલા પોલીસના ધ્યાને આવતાં તેમણે આ મામલે તપાસ શરૂ કરી હતી. ટૂંક સમયમાં જ પોલીસને આ ટોળકીની મામલે જાણકારી મળી.

નવાદા પોલીસે નારદીગંજ પોલીસ સ્ટેશન વિસ્તારના કહુઆરા ગામમાં દરોડા પાડીને 3 સાયબર ગુનેગારોની ધરપકડ કરી છે. પોલીસના હાથે ઝડપાયેલા આ શાતિર સાયબર ઠગ લોકોને ઓલ ઈન્ડિયા પ્રેગ્નન્ટ જોબ (બેબી બર્થ સર્વિસ), પ્લે બોય સર્વિસના નામે ફોન કરીને છેતરપિંડી આચરતા હતા. ઠગાઈ કરનારાઓની ધરપકડ બાદ પોલીસ એ જાણવાનો પ્રયાસ કરી રહી છે કે આ આરોપીઓએ કેટલા લોકો સાથે છેતરપિંડી કરી છે.

50 હજારથી 5 લાખની આવક

પોલીસના જણાવ્યા અનુસાર સાયબર ઠગ દેશના જુદા જુદા રાજ્યોમાંથી લોકોને ફોન કરીને કહેતા હતા કે તેમને એવી જોબ કરવાની છે જેમાં મહિલાઓને ગર્ભવતી બનાવવાની છે જેમને છોકરા નથી થઇ રહ્યા. આ કામના બદલામાં તમને 5 લાખ રૂપિયા મળશે. જો બાળક ન થાય તો પણ 50,000 રૂપિયા આપવામાં આવશે. જ્યારે કોઈ વ્યક્તિ આ કામ માટે તૈયાર થાય ત્યારે છેતરપિંડી કરનારાઓ રજિસ્ટ્રેશન ફીના નામે 500 રૂપિયાથી લઈને 20 હજાર રૂપિયા સુધીનું ઓનલાઈન પેમેન્ટ કરતા હતા. તેઓએ ઘણી જગ્યાએ જાહેરાતો પણ આપી. આ વાંચીને લોકોએ પોતે પણ તેનો સંપર્ક કર્યો.

આ પણ વાંચોઃ ઉત્તરાખંડમાં હોકી પ્લેયર સાથે દુષ્કર્મ, કોચ બન્યો હેવાન, સગીરાને બનાવી હવસનો શિકાર

પોલીસના હાથે ઝડપાયેલા આરોપીઓ કોણ છે?

પોલીસે આ સાયબર ગુનેગારો પાસેથી 6 એન્ડ્રોઈડ મોબાઈલ રિકવર કર્યા છે. મોબાઈલની તપાસ દરમિયાન ફોનની ગેલેરીમાંથી વોટ્સએપના ફોટા, ઓડિયો અને ટ્રાન્ઝેક્શનની વિગતો પણ મળી આવી હતી. આરોપીઓના નામ રાહુલ કુમાર (19), ભોલા કુમાર (20) અને પ્રિન્સ રાજ ઉર્ફે પંકજ કુમાર (20) છે. તમામ નવાદાના નારદીગંજ પોલીસ સ્ટેશન વિસ્તારના કહુઆરા ગામના રહેવાસી છે. ડીએસપીએ જણાવ્યું કે દરોડામાં 3 સાયબર ગુનેગારોની ધરપકડ કરવામાં આવી છે. પોલીસે આ ગેંગના સમગ્ર નેટવર્કની તપાસ શરૂ કરી છે. તેમની પાસેથી મળી આવેલા મોબાઈલ ફોનની તપાસ કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ