ભરૂચ / એક જ પોલીસ સ્ટેશનના 3 પોલીસકર્મીઓ ઝડપાયા લાંચ લેતા, ACBએ છટકું ગોઠવી દબોચ્યા

ભરૂચ જિલ્લામાં ભ્રષ્ટાચાર વિરોધી બ્યુરો (ACB)એ મોટી કાર્યવાહી કરતાં પાનોલી પોલીસ સ્ટેશનના ત્રણ પોલીસકર્મીઓને લાંચ લેતા રંગેહાથ ઝડપી પાડ્યા છે. આરોપી પોલીસકર્મીઓએ દારૂના કેસમાં જપ્ત કરાયેલ મોબાઇલ પરત આપવા માટે ફરિયાદી પાસેથી ₹3 લાખની લાંચની માંગણી કરી હતી.

3 પોલીસકર્મીએ માગી 3 લાખની લાંચ

મળતી માહિતી મુજબ, આરોપીઓએ કુલ ₹3 લાખની લાંચ નક્કી કરી હતી અને તેના પ્રથમ હપ્તા તરીકે ₹1 લાખ સ્વીકારતા ACBએ ટ્રેપ ગોઠવી તેમને ઝડપી પાડ્યા હતા. આ સમગ્ર કાર્યવાહી પાનોલી પોલીસ સ્ટેશન સામે આવેલા D સ્ટાફની ચેમ્બરમાં હાથ ધરવામાં આવી હતી.

મોબાઈલ પાછો આપવા માગ્યા 3 લાખ

આ કેસમાં એક લોકરક્ષક અને બે હેડ કોન્સ્ટેબલ સામે ગુનો નોંધવામાં આવ્યો છે. ACBએ અનિરુદ્ધ ધાધલ, સાગર ચાવડા અને જયદીપસિંહ પરમાર સામે ભ્રષ્ટાચાર નિવારણ અધિનિયમ હેઠળ કાયદેસરની કાર્યવાહી શરૂ કરી છે.

આ પણ વાંચોઃ ગિરનાર પર સિંહના એટેક બાદ સરકાર એક્શન મોડમાં, લીધા મહત્વના નિર્ણયો

D સ્ટાફની ચેમ્બરમાં ACBની ટ્રેપ

ACB હાલ સમગ્ર પ્રકરણની વધુ તપાસ કરી રહી છે. લાંચની માંગણી પાછળ અન્ય કોઈની સંડોવણી છે કે કેમ તેમજ કેસ સંબંધિત અન્ય પાસાઓની પણ તપાસ કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ