ક્રિકેટ / બરોડા ક્રિકેટ એસોસિયનની AGM યોજાઈ, BCCIમાંથી BCAને મળશે 30 કરોડ રૂપિયા

• 3 વર્ષ બાદ 78મી AGM જ્યોતિ ગાર્ડનમાં મિટિંગ
• BCAની છેલ્લા પાંચ વર્ષની મિટિંગ છે પેન્ડિંગ
• એકાઉન્ટ પાસ થતાં જ BCCIમાંથી BCAને મળશે 30 કરોડ રૂપિયા

AGMમાં તમામ મેમ્બરોએ સર્વ સંમતિ થી વર્ષ 2014-15 વર્ષના એકાઉન્ટ પાસ કર્યા હતા. BCA ના ઇતિહાસમાં પ્રથમવખત ખૂબ વહેલી AGM પૂરી કરી દેવામાં આવી. રોયલ અને રિવાઇવલ ગ્રુપના સભ્યો એકજૂથ થતા એજીએમ શાંતિ પૂર્ણ માહોલ માં પૂરી થઈ શકી હતી. 

AGM ના પગલે ચૂસ્ત પોલીસ બંદોબસ્ત

હજી પણ BCAની છેલ્લા પાંચ વર્ષની એજીએમ પેન્ડિંગ છે જેને પણ વહેલીતકે પૂરી કરવા નિર્ણય લેવાયો છે. AGM ના પગલે ચૂસ્ત પોલીસ બંદોબસ્ત ગોઠવાયો હતો.

આંતરરાષ્ટ્રીય કક્ષાનું ક્રિકેટ મેદાન બનશે

રોયલ ગ્રુપ ના સમરજીતસિંહ ગાયકવાડ એ કહ્યું કે ક્રિકેટના વિકાસ માટે તમામ લોકો એકજૂથ થયા છે તો BCA ના પ્રમુખ એ કહ્યું કે તમામ લોકો એક થતા હવે વડોદરામાં વહેલી તકે આંતરરાષ્ટ્રીય કક્ષાનું ક્રિકેટ મેદાન બની જશે અને ક્રિકેટ નો વિકાસ થશે.