ગજબ.. / BAN vs NZ: મુશફિકુર રહીમને સ્ટંપ પર પગ મારવો ભારે પડ્યો, થયો અજીબ રીતે આઉટ, ક્રિકેટમાં પહેલું વહેલું બન્યું આવું

• ન્યૂઝીલેન્ડ અને બાંગ્લાદેશ વચ્ચેની ત્રીજી વનડે પણ સમાપ્ત
• બાંગ્લાદેશ આ મેચમાં પણ માત્ર 171 રન બનાવી શકી
• અનુભવી બેટ્સમેન મુશ્ફિકર રહીમની વિકેટ સૌથી વિચિત્ર

Bangladesh vs New Zealand 3rd ODI: ન્યૂઝીલેન્ડ અને બાંગ્લાદેશ વચ્ચે ચાલી રહેલી વનડે સીરીઝની ત્રીજી મેચમાં બાંગ્લાદેશી ટીમનાં બેટ્સમેન ફરી એકવાર ફેઈલ ગયાં. દ્વિતીય વનડેમાં હાર્યા બાદ ત્રીજી મેચમાં પણ આ ટીમ 171 રન જ બનાવી શકી. માત્ર કેપ્ટન નઝમુલ હસન શાંતો 76 રન બનાવી શક્યાં. સૌથી વિચિત્ર ઘટના તો ત્યારે બની જ્યારે અનુભવી ખેલાડી અને વિકેટકીપર મુશ્ફિકર રહીમ આઉટ થયાં. તેમણે પોતાના સ્ટંપ્સ પર લાત મારી દીધી હતી. રહીમ જે રીતે આઉટ થયાં તેની ચર્ચા સોશિયલ મીડિયા પર ખૂબ થઈ રહી છે. જુઓ વીડિયો.

Mushfiqur tries football to prevent getting bowled. Doesn't work 🫢
.
.#BANvNZ pic.twitter.com/K8wdWDnWAa

— FanCode (@FanCode) September 26, 2023

કિકથી સ્ટંપ ઊડી ગયાં
મુશ્ફિકર રહીમ 16મી ઓવરમાં લોકી ફર્ગ્યુસનનો સામનો કરી રહ્યાં હતાં. તેમની પહેલી બોલને રહીમે ડિફેંસ કરી અને તે સ્ટંપ પર જઈને લાગી. રહીમે બોલને રોકવા માટે કિક મારી પણ આ કિક સ્ટંપને લાગી ગઈ. વીડિયોમાં જોઈ શકાય છે કે તેમની લાતથી બોલ તો સ્ટંપથી દૂર થઈ ગયો પણ કિકથી સ્ટંપ ઊડી ગયાં. રહીમ હિટ-વિકેટની જગ્યાએ બોલ્ડ આઉટ થયાં.

કીવી બોલર્સનો કમાલ
કીવી બોલર્સે સતત બીજી વખત બાંગ્લાદેશને 50 ઓવરથી પહેલા જ સમેટી લીધી. બીજી વનડેમાં ન્યૂઝીલેન્ડે 86 રનોથી જીત મેળવી હતી. એ મેચમાં લેગ સ્પિનર ઈશ સોઢીએ 39 રન આપીને 6 વિકેટ મેળવી હતી જે વનડેમાં તેમનું બેસ્ટ પ્રદર્શન હતું.