પોલમપોલ / ગુજરાતના આરોગ્ય વિભાગમાં કૌભાંડનો ફાટયો રાફડોઃ આ જિલ્લાની તાલુકા હેલ્થ કચેરીની ખરીદીમાં મોટા કૌભાંડનો આક્ષેપ

• રાજ્યના આરોગ્ય વિભાગમાં કૌભાંડનો ફાટયો રાફડો 
• બનાસકાંઠામાં ડૉક્ટર મનીષ ફેન્સી સામે કૌભાંડનો મોટો આક્ષેપ
• તાલુકા હેલ્થ કચેરીની ખરીદીમાં કર્યું મોટું કૌભાંડ

પ્રાપ્ત મળતી વિગત અનુસાર રાજ્યના બનાસકાંઠામાં ડોકટર મનીષ ફેન્સી સામે કૌભાંડનો મોટો આક્ષેપ લગાવામાં આવ્યો છે. જેમાં તાલુકા હેલ્થ કેચરીની ખરીદીમાં મોટુ કૌભાંડ કરાયું હોવાનું સામે આવ્યું છે. 

GEMના આઇ.ડી પાસવર્ડ પોતાની પાસે લઇને તાલુકા હેલ્થ કચેરીની ખરીદીમાં ડોકટર મનીષ ફેન્સીએ મોટુ કૌભાંડ કર્યું હોવાનો આક્ષેપ લગાવામાં આવ્યો છે. 

જો કે આ અંગે મળતા અહેવાલ મુજબ જો કોઇ અધિકારી આઇડી-પાસવર્ડ ના આપે તો મનીષ ફેન્સી દ્વારા તેને માનસિક હેરાન-પરેશાન કરવામાં આવતો હોવાની વાત બહાર આવી છે. 

જો કે સૂત્રોને મળતી માહિતી મુજબ કોરોનામાં જરૂરિયાત વિના ડો. ફેન્સીએ કૌભાંડ કરવા માટે ખરીદી કરી. જેમાં ગાયનેક ડોકટરો પાસેથી સોનાગ્રાફી બાબતે પૈસાનું ઉઘરાણું કરાવતો હતો. 

ડો. મનીષ ફેન્સીએ ટેન્ડર વિના એક જ કંપની પાસેથી વારંવાર ખરીદી કરી કૌભાંડ આચર્યું હતું. મનીષ ફેન્સીની કરતૂતોથી ત્રાસી ગયેલા કર્મચારીએ ભાંડો ફોડ્યો. 

મનીષ ફેન્સી બનાસકાંઠાના જિલ્લા આરોગ્ય અધિકારી હતા. ધાનેરાના મેડિકલ ઓફિસરે આરોગ્ય કમિશનરને આ અંગેની ફરિયાદ કરી છે. 

સળગતા સવાલ

• શું આરોગ્ય વિભાગમાં પણ ચાલે છે બધુ પોલંમપોલ?
• જરૂરિયાત વગર કેવી રીતે જિલ્લા આરોગ્ય અધિકારી ખરીદી કરી શકે?
• બનાસકાંઠા જિલ્લા સિવાય પણ આવા કેટલા અધિકારીઓ હશે?
• ટેન્ડર વિના જ એક જ કંપનીનો કેમ વારંવાર ઓર્ડર આપવાના?
• તાલુકાના ગાયનેક ડૉક્ટરો પાસેથી કેવી રીતે તમે પૈસા પડાવી શકો?
• શું બનાસકાંઠાના મનિષ ફેન્સી સામે સરકાર કરશે કોઈ કાર્યવાહી?
• નીચલા અધિકારીની વાત સાંભળશે આરોગ્ય કમિશનર?
• કોઈ અધિકારી આઈ.ડી પાસવર્ડની માંગણી કેવી રીતે કરી શકે?