મળ્યા માના આશિર્વાદ ફેમ જાણીતી લોકગાયિકા કાજલ મહેરિયા પર હુમલો થયાની ઘટના પ્રકાશમાં આવી છે. ઉલ્લેખનીય છે કે, આ હુમલાની ઘટના મહેસાણાના મોઢેરામાં બની હતી.
લોકગાયિકા કાજલ મહેરિયા પર હુમલો
મોઢેરામાં કાજલ મહેરિયાને માર મરાયો
ઇવેન્ટ ઓર્ગેનાઇઝરના ઘરે ગયેલી ગાયિકા પર હુમલો
પ્રાપ્ત થતી જાણકારી પ્રમાણે કાજલ મહેરિયા ઇવેન્ટ ઓર્ગેનાઇઝરના ભાઈની ખબર પૂછવા તેના ઘરે ગઇ હતી. ત્યારે અચાનક ઇવેન્ટ ઓર્ગેનાઇઝરના વિરોધીએ વિરોધી તત્વો દોડી આવ્યા હતા અને અપશબ્દ બોલીને હુમલો કર્યો હતો. આ સાથે કાજલને માર પણ મારવામાં આવ્યો હતો.
— VTV Gujarati News and Beyond (@VtvGujarati) August 31, 2020
કોણ છે કાજલ મહેરિયા
આપને જણાવી દઇએ કે, મહેસાણા જિલ્લાના વિસનગર તાલુકાના ગોઠવા ગામમાં 21 નવેમ્બર 1992 ના રોજ કાજલ મહેરિયાનો જન્મ થયો હતો. તેમના પિતાનું નામ નગીનભાઈ છે જેઓ એક ખેડૂત છે. કાજલ મહેરિયા નવા સોન્ગ હોય લોકગીત ભજન હોય કે લગ્ન ગીતો હોય કે પછી હોય રાસ ગરબા અને ગીતો ગાવામાં ચાર ચાંદ લગાવી દેતાં હોય છે. તેઓ સોશિયલ મીડિયામાં પણ એક્ટિવ રહે છે.