ગુજરાત / બે અલગ-અલગ માર્ગ અકસ્માત CCTVમાં કેદ, અમદાવાદમાં એક ઈજાગ્રસ્ત તો કેશોદમાં પતિ-પત્નીનું મોત

ગુજરાતમાં વધુ બે માર્ગ અકસ્માતોની ઘટનાઓ સામે આવી છે. અમદાવાદના વ્યાસવાડી વિસ્તારમાં રિક્ષા અને એક્ટિવા વચ્ચે અકસ્માત સર્જાયો હતો, જ્યારે જૂનાગઢ જિલ્લાના કેશોદ નજીક કારની ટક્કરે બાઈક સવાર દંપતીનું ઘટનાસ્થળે જ મોત નીપજ્યું હતું. બંને અકસ્માતોના CCTV ફૂટેજ સોશિયલ મીડિયામાં વાયરલ થયા છે.

અમદાવાદના વ્યાસવાડી ચોકડી પાસે એક રિક્ષાચાલકે રોંગ સાઇડમાં યુ-ટર્ન લેવાનો પ્રયાસ કરતાં એક્ટિવા સાથે જોરદાર ટક્કર મારી હતી. અકસ્માતમાં એક્ટિવાચાલકને ઈજા પહોંચી હતી. સમગ્ર ઘટના નજીકમાં લાગેલા CCTV કેમેરામાં કેદ થઈ હતી, જેનો વીડિયો હાલ સોશિયલ મીડિયામાં વાયરલ થઈ રહ્યો છે.

જૂનાગઢના કેશોદ નજીક ગંભીર અકસ્માત થયો, પૂરપાટ ઝડપે આવતી કારે દંપત્તિને અડફેટે લેતાં બંનેનાં મો*ત#Keshod #Junagadh #RoadAccident #Accident #VTVDigital pic.twitter.com/VITDwrEVfC

— VTV Gujarati News and Beyond (@VtvGujarati) August 7, 2026

બીજી તરફ જૂનાગઢ જિલ્લાના કેશોદ નજીક પણ ગંભીર અકસ્માત સર્જાયો હતો. સામે આવેલા CCTV ફૂટેજ મુજબ, એક કારચાલકે બાઈકને અડફેટે લીધી હતી. ટક્કર એટલી ગંભીર હતી કે બાઈક પર સવાર પતિ-પત્નીનું ઘટનાસ્થળે જ મોત નીપજ્યું હતું. આ બનાવ અંગે પોલીસે અકસ્માતનો ગુનો નોંધી વધુ તપાસ શરૂ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ