- ટીમ ઈન્ડિયાને 6 વિકેટથી હારનો સામનો કરવો પડ્યો
- હાર્દિક પંડ્યાએ પોતાની ફિટનેસને લઈને મોટું અપડેટ આપ્યું
- વર્લ્ડ કપ માટે તૈયાર રહેવા માટે વધુ ઓવર ફેંકવી પડશે
વેસ્ટ ઈન્ડિઝ સામેની હાર બાદ ભારતીય ઓલરાઉન્ડર હાર્દિક પંડ્યાએ પોતાની ફિટનેસને લઈને મોટું અપડેટ આપ્યું છે. હાર્દિક પંડ્યા મુજબ વર્લ્ડ કપ માટે તૈયાર રહેવા માટે તેણે વધુ ઓવરો ફેંકવાની જરૂર છે. જણાવી દઈએ ક મોહમ્મદ સિરાજની ગેરહાજરીમાં હાર્દિક પંડ્યા પાસે આક્રમક બોલિંગની કમાન છે. હાલમાં બંને મેચના ઓછા સ્કોરિંગને કારણે હાર્દિક એક પણ મેચમાં 10 ઓવરનો ક્વોટા પૂરો કરી શક્યો નથી. જણાવી દઈએ કે હાર્દિકે બીજી ODIમાં 6.4 ઓવર ફેંકી, 5.70ની ઈકોનોમીમાં કોઈ વિકેટ લીધા વિના 38 રન આપ્યા.
ટીમ ઈન્ડિયાને 6 વિકેટથી હારનો સામનો કરવો પડ્યો
નોંધનીય છે કે આ મેચમાં ટીમ ઈન્ડિયાને 6 વિકેટથી હારનો સામનો કરવો પડ્યો હતો. મેચમાં રોહિત શર્મા અને વિરાટ કોહલીને આરામ આપવામાં આવ્યો હતો. આવી સ્થિતિમાં કેપ્ટનશિપની જવાબદારી હાર્દિક પંડ્યાને સોંપવામાં આવી હતી. મેચ બાદ ભારતીય કેપ્ટને કહ્યું, 'અમે અપેક્ષા મુજબ બેટિંગ કરી ન હતી. પ્રથમ દાવ કરતાં વિકેટ ઘણી સારી મળી હારને કારણે નિરાશા થઈ પણ ઘણી શીખવાએ મળ્યું. ઓપનર અને ઈશાન કિશન જે રીતે બેટિંગ કરી રહ્યા છે તે ભારતીય ક્રિકેટ માટે મહત્વપૂર્ણ છે. શાર્દુલ ઠાકુરે અમારી આશા જીવંત રાખી પરંતુ હોપે ધમાકેદાર પ્રદર્શન કરીને પોતાનું સંયમ જાળવી રાખ્યું અને જીત મેળવી.
હું કાચબો છું, સસલું નથી
તેણે પોતાની ફિટનેસ વિશે વધુમાં કહ્યું કે, 'મારે વર્લ્ડ કપ માટે તૈયાર રહેવા માટે વધુ ઓવર ફેંકવી પડશે.આ વખતે હું કાચબો છું, સસલું નથી.આશા છે કે વર્લ્ડ કપ પછી બધુ ઠીક થઈ જશે.આ અમારી ટેસ્ટ છે, સીરિઝ 1-1ની બરાબરી પર છે અને આગામી મેચ ખૂબ જ રોમાંચક બનવાની છે.
મેચની વાત કરીએ તો ઈશાન કિશન (55) અને શુભમન ગિલ (34)ની જોડીએ ટીમ ઈન્ડિયાને શાનદાર શરૂઆત અપાવી અને પ્રથમ વિકેટ માટે 90 રન જોડ્યા. પરંતુ કોહલીની ગેરહાજરીમાં બિનઅનુભવી મિડલ ઓર્ડર કંઈ અદ્ભુત કરી શક્યો નહીં. ઈશાન અને ગિલ બાદ સૂર્યકુમાર યાદવે સૌથી વધુ 24 રન બનાવ્યા હતા. આ સિવાય 5 બેટ્સમેન ડબલ ફિગર પણ પાર કરી શક્યા નથી. ભારતે આગળની 9 વિકેટ 91 રનમાં ગુમાવી દીધી હતી.
આ સ્કોરનો પીછો કરવા ઉતરેલી વેસ્ટ ઈન્ડિઝની ટીમની શરૂઆત સારી રહી હતી. વેસ્ટ ઈન્ડિઝએ પ્રથમ વિકેટ માટે 53 રન જોડ્યા હતા, પરંતુ શાર્દુલ ઠાકુરની બોલિંગ સામે 20 રનની અંદર 3 વિકેટ ગુમાવી હતી. પણ કેપ્ટન શે હોપ 63 રન બનાવ્યા તો બ્રેન્ડન કિંગ (48) સાથે 5મી વિકેટ માટે 91 રનની ભાગીદારી કરી. રનની અણનમ ભાગીદારીથી ટીમનો વિજય હતો.
