બોક્સ ઓફિસ કલેક્શન / ફિલ્મ એનિમલની દહાડ બોક્સ ઓફિસ પર ધીમે પડી! 13માં દિવસ સુધીમાં છાપ્યા આટલા કરોડ, રણબીરના કેરિયરમાં સૌથી સુપરહિટ

• સંદીપ રેડ્ડી વાંગાની ફિલ્મ 'એનિમલ'નો બોક્સ ઓફિસ પર ધૂમ ધડાકો
• સારો બિઝનેસ કરનાર ફિલ્મ 'એનિમલ'ની કમાણી સોમવારથી ઘટી 
• રણબીર અને રશ્મિકાની 'એનિમલ' ફિલ્મે આજે 9 કરોડનું કલેક્શન કર્યું

હાલમાં ડાયરેક્ટર સંદીપ રેડ્ડી વાંગાની ફિલ્મ 'એનિમલ'ને લઈને ઘણી ચર્ચા ચાલી રહી છે. રણબીર કપૂરની ફિલ્મ જે રીતે બોક્સ ઓફિસ પર કમાણીની સુનામી લાવી છે, તેના પૂરતા વખાણ કરી શકાય તેમ નથી. રિલીઝના બે અઠવાડિયા પૂરા કરવાના આરે રહેલી 'એનિમલ'ના 13મા દિવસની કમાણીનો આંકડો સામે આવ્યો છે. ચાલો આ લેખમાં જાણીએ કે ફિલ્મ 'એનિમલ' એ બીજા બુધવારે કેટલું બોક્સ ઓફિસ કલેક્શન કર્યું છે.

બીજા બુધવારે 'એનિમલ'એ આટલી કમાણી કરી

બીજા વિકેન્ડમાં બોક્સ ઓફિસ પર સારો બિઝનેસ કરનાર ફિલ્મ 'એનિમલ'ની કમાણી સોમવારથી ઘટી રહી છે. આવી સ્થિતિમાં બુધવારે પણ ફિલ્મના કલેક્શનમાં ઘટાડો જોવા મળ્યો છે. દરમિયાન સેકનિલ્કના પ્રારંભિક વેપાર મુજબ રણબીર કપૂર અને રશ્મિકા મંદાન્નાની 'એનિમલ' એ સમાચાર લખ્યા ત્યાં સુધી લગભગ 9 કરોડ રૂપિયાનું બોક્સ ઓફિસ કલેક્શન કર્યું છે. આ કમાણીનો આંકડો અંદાજીત છે. વાસ્તવિક આંકડા આવવામાં સમય લાગશે. જો કે, બોક્સ ઓફિસ કલેક્શન ઘટવા છતાં 'એનિમલ'ને લઈને ચાહકોનો ક્રેઝ ઓછો થવાના કોઈ સંકેત દેખાઈ રહ્યા નથી અને એટલું જ નહીં, આ ફિલ્મના કુલ કલેક્શનમાં કોઈ ઘટાડો થયો નથી. તમને જણાવી દઈએ કે જો બીજા બુધવારના કલેક્શનના આંકડાઓ ઉમેરવામાં આવે તો ફિલ્મ 'એનિમલ' એ અત્યાર સુધી 13 દિવસમાં તમામ ભાષાઓમાં 466 કરોડ રૂપિયાનું નેટ બોક્સ ઓફિસ કલેક્શન કર્યું છે.

બીજા સપ્તાહના અંતે 'એનિમલ'નું કલેક્શન

• 11મા દિવસે 13.85 કરોડ
• 12મા દિવસે 12.75 કરોડ
• 13મો દિવસ 8 કરોડ*
• કુલ કલેક્શન 466 કરોડ*

'એનિમલ' રણબીર કપૂરના કરિયરની સૌથી મોટી હિટ ફિલ્મ બની હતી

બોક્સ ઓફિસ પર ધમાલ મચાવનાર 'એનિમલ'એ રાતોરાત સુપરસ્ટાર રણબીર કપૂરની કિસ્મત બદલી નાખી છે. આ સાથે 'એનિમલ' હવે રણબીરના ફિલ્મી કરિયરની સૌથી વધુ કમાણી કરનાર પ્રથમ ફિલ્મ બની ગઈ છે. એનિમલ સાથે રણબીરે બોક્સ ઓફિસ પર 100 કરોડથી વધુનો બિઝનેસ કરતી ફિલ્મોની હેટ્રિક ફટકારી છે. આ પહેલા અભિનેતાની બ્રહ્માસ્ત્ર અને તુ જૂઠી મેં મક્કર ફિલ્મે 100 કરોડ રૂપિયાથી વધુનું બોક્સ ઓફિસ કલેક્શન કર્યું છે.