લોકસભા ચૂંટણી 2024 / વીરપુરના આસપુરમાં પાણીની સમસ્યાથી ખેડૂતોમાં રોષ, પાણી નહીં મળે તો ચૂંટણીનો બહિષ્કારની ચીમકી

વિરપુર તાલુકાના આસપુર ગ્રામ પંચાયતમાં આવેલ તળાવ મા પાણી ભરવાની માંગ ઉગ્ર બની છે. ગામના લોકોએ લોકસભાની ચૂંટણીમાં બહિષ્કારની ચીમકી ઉચ્ચારી છે છેલ્લા 20 વર્ષથી ગ્રામજનો પોતાના મતોનું દાન આપી રહ્યા છે પરંતુ નેતાઓ તેમજ ઉમેદવાર માત્ર લોલીપોપ આપી જતા રહે છે ત્યારે આ વખતની લોકસભા 2024 ની ચૂંટણીમાં ગ્રામજનોએ પાણી નહીં તો મત નહીં ના ઉચ્ચાર સાથે ચૂંટણીનો બહિષ્કાર કરવાનું નક્કી કર્યું છે. ત્યારે આસપુર ગ્રામ પંચાયતના ૧૦ જેટલા ગામોના ખેડૂતોની બેઠક મળી જેમાં નક્કી કરવામાં આવ્યુ છે કે,જો આગામી દિવસોમાં સરકાર આસપુર ગામનુ તળાવ ભરવા વહીવટી મંજૂરી નહીં આપે તો ચૂંટણી બહિષ્કાર કરવામાં આવશે વિરપુર તાલુકો મુખ્યત્વે ખેતી અને પશુપાલન પર નિર્ભર તાલુકો છે આ તાલુકામાં મોટાભાગના લોકો ખેતી અને પશુપાલનના વ્યવસાય સાથે સંકળાયેલા છે. જોકે તાલુકામાં કોઈપણ કેનાલ કે ડેમની વ્યવસ્થા ન હોવાને કારણે આ વિસ્તારના ખેડૂતો છેલ્લા કેટલાય વર્ષોથી પાણી માટે રઝળપાટ કરવા મજબુર છે આ ગામના તળાવો માત્ર વરસાદી પાણી ઉપર નિર્ભર છે.

 ૧૦૦ થી વધારે ખેડુતો દ્વારા અગાઉ ગામનુ તળાવ ભરવાની પ્રબળ માંગ કરી
બીજી તરફ જો આ તળાવ ભરવામાં આવે તો લગભગ 10 જેટલા ગામોને પાણીની શાંતિ મળે એમ છે કારણ આસપુર ગામ વિરપુર તાલુકાના આજુબાજુ ના ગામોથી 100 ફૂટ ઊંચાઈ પર આવેલું ગામ છે. જેથી આ તળાવ ભરાય તો આજુબાજુના તળાવો માં જળ સ્ત્રોત વધી શકે એમ છે. ત્યારે નજીકમાં ત્રણ કિલોમીટર દૂર કેનાલ છે. તેના મારફતે પાણી તળાવમાં પાડી શકાય એમ છે તેમ છતાં પણ માત્ર નેતાઓ આવી લોભામણી જાહેરાતો કરી જતા રહે છે પરંતુ ગામના તળાવ ન ભરાતા ગ્રામજનો દ્વારા ચૂંટણી બહિષ્કારની ચીમકી ઉચ્ચારી છે. ત્યારે ૧૦૦ થી વધારે ખેડુતો દ્વારા અગાઉ ગામનુ તળાવ ભરવાની પ્રબળ માંગ કરી હતી.

વધુ વાંચોઃ અમદાવાદ થી ગાંધીનગરને જોડતા બ્રિજ પર ડામર પીગળતા વાહન ચાલકોમાં ભયનો માહોલ

તળાવ ન ભરાતા ગ્રામજનો દ્વારા ચૂંટણી બહિષ્કારની ચીમકી ઉચ્ચારી
તે બાદ સાસંદ, ધારાસભ્ય સહિત નેતાઓએ તળાવ ભરવા ખેડૂતોને ખાતરી આપી હતી. પરંતુ આજદિન સુધી તળાવ ન ભરાતાં  આ ખેડૂતો રોષે ભરાયા છે. રોષે ભરાયેલા ખેડૂતો હવે લોકસભાની ચૂંટણી ટાણે જ આંદોલન છેડે તેવા એંધાણ સર્જાયા છે. આ વિસ્તારના ખેડુતો અને પશુપાલકો દ્વારા આવનાર દિવસોમાં તળાવ નહીં ભરવામાં આવે તો મતદાનનો પણ બહિષ્કાર કરશે. તેમજ પ્રચાર અર્થે આવતા નેતાઓને ગામમાં પણ ઘૂસવા નહીં દેવાની ચીમકી ઉચ્ચારી છે. ત્યારે લોકસભાની ચૂંટણી સમયે જ આંદોલનના એંધાણ વર્તાઈ રહ્યા છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો