ઓર્ગેનિક / ગજબ કે'વાય.! જમીન અને માટીના ઉપયોગ વગર ખેતી, વડોદરામાં નવી પદ્ધતિથી શાકભાજીના પાકનું વાવેતર, જાણો શું છે ફોનિક્સ પદ્ધતિ

• ખેતી કરવા માટે નવી પદ્ધતિનો ઉપયોગ
• માટીને બદલે કપચીનો કરાયો ઉપયોગ
• નવી પદ્ધતિથી શાકભાજીના પાકનું વાવેતર

વડોદરાના માણેજા વિસ્તારમાં રહેતા શશાંક ચોબે નામના યુવાને ખેતી કરવા માટે નવી પદ્ધતિ અપનાવી છે. તેઓએ બિલ્ડિંગના ધાબા પર ખેતી કરવાનું શરૂ કર્યુ છે. યુવાને ખેતી કરવા માટે માટીની જગ્યાએ કપચીનો ઉપયોગ કર્યો છે અને માછલી દ્વારા તૈયાર થતાં ખાતરના પાણીનો ઉપયોગ કર્યો છે. ઇલેક્ટ્રોનિક એન્જિનિયરિંગનો અભ્યાસ કરેલા શંશાક ચોબેએ લોખંડની 2 લેયરની વ્યવસ્થા કરીને ગ્રેવિટીથી પાણી મળી રહે તેવી વ્યવસ્થા કરી છે અને સાથે શાકભાજીના પાકનું વાવેતર પણ કર્યું છે.. આ પાકોને કુદરતી વાતાવરણ અને પોષક તત્વો મળી રહે તે માટે પણ વ્યવસ્થા ઉભી કરી છે.

શું છે ફોનિક્સ પદ્ધતિ
ખેતી માટે જમીન અને માટી જરૂરી છે પરંતુ વડોદરાના માણેજા વિસ્તારમાં એક યુવાને માટી અને જમીન વગર ખેતી કરવાની નવી પદ્ધતિ અપનાવી છે એક બિલ્ડિંગના પાંચ માળે ટેરેસ પર ખેતી શરું કરી છે માટી ના બદલે કપચીનો ઉપયોગ કર્યો છે અને એકવાફોનિક્સ એટલે કે માછલી દ્વારા તૈયાર થતા ખાતરનું પાણી આપીને ખેતી કરવામાં છે.

શુદ્ધ શાકભાજી ઉગાડવાનો રસ્તો

શશાંક ચોબે એન્જિનિયર હોવાથી લોખંડની બે લેયરની વ્યવસ્થા કરીને ગ્રેવીટીથી પાણી મળે તેવી વ્યવસ્થા કરી છે અને શાકભાજીના પાકોનું વાવેતર કર્યું છે આ પાકોને કુદરતી રીતે એટલે કે નદી કિનારે ઉગતા શાકભાજીને જે વાતાવરણ અને પોષક તત્વો મળે તેવી જ વ્યવસ્થા ઉભી કરી છે.શશાંક ચોબે અત્યારે નવી ખેતીની શરૂઆત કરી છે અને શહેરના લોકો પોતાના ઘરે જ આ પ્રકારની ખેતી કરીને કેમિકલ કે દવા વગરનું શુદ્ધ શાકભાજી ઉગાડતા થયા તેવો વિચાર છે અને તે દિશામાં આગળ વધી રહ્યા છે.