બોલિવુડ / નીતેશ તિવારીની રામાયણમાં અમિતાભ બચ્ચનની થશે એન્ટ્રી! નિભાવશે આ દમદાર રોલ

• નીતેશ તિવારીની રામાયણનો જબરદસ્ત બઝ
• કાસ્ટિંગ બાબતે અલગ અલગ અટકળો
• ડ્રીમ પ્રોજેક્ટ માટે અમિતાભ બચ્ચનનો એપ્રોચ

ડાયરેક્ટર નીતેશ તિવારીની રામાયણનો જબરદસ્ત બઝ જોવા મળી રહ્યો છે. ફેન્સમાં રામાયણની સ્ટારકાસ્ટ માટે એક્સાઈટમેન્ટ જોવા મળી રહ્યું છે. આ ફિલ્મની કાસ્ટિંગ બાબતે અલગ અલગ અટકળો કરવામાં આવી રહી છે. મીડિયા રિપોર્ટ અનુસાર મેકર્સે આ ડ્રીમ પ્રોજેક્ટ માટે અમિતાભ બચ્ચનનો એપ્રોચ કર્યો છે. 

આ મૂવીમાં અમિતાભ બચ્ચન રાજા દશરથનો રોલ પ્લે કરી શકે છે. આ અફવા સાચી સાબિત થશે તો ફેન્સનો મોજ પડી શકે છે. દર્શકોને રાજા દશરથના રોલ માટે અમિતાભ બચ્ચન એકદમ યોગ્ય પસંદ લાગી રહ્યા છે. અમિતાભ બચ્ચન રામાયણમાં ભગવાન રામના પિતાનો રોલ ભજવશે. 

અગાઉ પણ અમિતાભ બચ્ચનનો રાજા દશરથના રોલ માટે સંપર્ક કરવામાં આવ્યો છે. વર્ષ 2009માં ફિલ્મ ‘ધ લિજેન્ડ ઓફ રામ’ની ઓફર મળી હતી. આ ફિલ્મ બની શકી નથી. નીતેશ તિવારીની ફિલ્મમાં બિગ બીની એન્ટ્રી થશે કે નહીં તે થોડા સમયમાં ખબર પડશે. 

વધુ વાંચો: એલ્વિશ યાદવ ફરી વિવાદમાં: રેસ્ટોરન્ટમાં બધાની સામે એક યુવકને થપ્પડ ઝીંકી દીધી, કહ્યું 'છોડીશ નહીં'

આ ફિલ્મમાં રણબીર કપૂર ભગવાન રામનું પાત્ર ભજવશે. માતા સીતાના પાત્ર માટે અભિનેત્રી સાંઈ પલ્લવી અને જ્હાનવી કપૂરનું નામ હોવાનું કહેવામાં આવી રહ્યું છે. આ ફિલ્મમાં સાઉથ સ્ટાર યશ રાવણનું પાત્ર ભજવશે અને સની દેઓલ હનુમાનનું પાત્ર ભજવી શકે છે. આ બાબતે સત્તાવાર જાહેરાત કરવામાં આવી નથી. મેકર્સ આ ફિલ્મમાં કુંભકર્ણનો રોલ બોબી દેઓલને આપવાનું વિચારી રહ્યા છે. ફિલ્મ 'રામાયણ'માં લારા દત્તા રાજા દશરથના ત્રીજા પત્ની અને રાજકુમાર ભરતના માતા તરીકે કૈકેયીનું પાત્ર ભજવશે. આ બાબતે કોઈ અધિકૃત જાહેરાત કરવામાં આવી નથી. નિતેશ તિવારીની ફિલ્મમાં કોણ કયુ પાત્ર ભજવશે, તે અંગે કોઈ સ્પષ્ટતા કરવામાં આવી નથી.