સુવિધા / અમદાવાદમાં તમામ અર્બન હેલ્થ સેન્ટર નીકળશે PMJAY કાર્ડ, AMCના દરેક કર્મચારીઓનો હશે ડ્રેસ કોડ, સ્ટેન્ડિંગ કમિટીમાં લેવાયા મોટા નિર્ણયો

• અમદાવાદમાં હવે હેલ્થ સેન્ટર પર નીકળશે PMJAY કાર્ડ
• હાલમાં 40 સેન્ટર પર PMJAYની થાય છે કામગીરી
• AMCના તમામ કર્મચારીઓ માટે કેટેગરી પ્રમાણે ડ્રેસ કોડ અલગ હશે

 આજે AMC ની સ્ટેન્ડિંગ કમિટીની બેઠક મળી હતી.  ત્યારે બેઠકમાં શહેરનાં મહત્વનાં કામો પર નિર્ણય લેવામાં આવ્યો હતો. શહેરીજનોને કોઈ પણ જાતની હાલાકી ન ભોગવવી પડે તે માટે AMC  સંચાલિત તમામ 80 હેલ્થ સેન્ટર પરથી PMJAY કાર્ડ નીકળી શકશે તેવો નિર્ણય આજે મળેલી સ્ટેન્ડિંગ કમિટીની બેઠકમાં લેવામાં આવ્યો છે. ત્યારે હાલ 40 હેલ્થ સેન્ટરમાં PMJAY ની કામગીરી થાય છે. શહેરીજનોનાં હિતમાં એએમસી દ્વારા નિર્ણય લીધો છે. ટૂંક સમયમં AMC  નાં કર્મચારીઓ ચોક્કટ ડ્રેસ કોડમાં જોવા મળશે. AMC નાં તમામ કર્મચારીઓ માટે કેટેગરી પ્રમાણે ડ્રેસ કોડ અલગ હશે. વર્ગ-1 થી વર્ગ-4 નાં તમાામ કર્મચારીઓ ચોક્કસ ડ્રેસ કોડમાં જોવા મળશે. હાલ એએમસીમાં 20 હજાર જેટલા કર્મચારીઓ ફરજ બજાવે છે. 

AMC સંચાલિત તમામ 80 હેલ્થ સેન્ટર પરથી નીકળશે PMJAY કાર્ડઃ દેવાંગ દાણી

આ બાબતે કોર્પોરેશનનાં સ્ટેન્ડિંગ કમિટીનાં ચેરમેન દેવાંગ દાણીએ જણાવ્યું હતું કે,  હાલ કોર્પોરેશન સંચાલિત 80 જેટલા અર્બન હેલ્થ સેન્ટરો આવેલા છે.  હાલ 39 જેટલા અર્બન હેલ્થ સેન્ટર પર PMJAY કાર્ડ નીકળતું હોય છે.  બીજા વિસ્તારનાં લોકોમાં પણ ડિમાન્ડ હતી. જેનાં આધારે આજે સ્ટેન્ડિંગ કમિટીની અંદર કોર્પોરેશન બધા જ અર્બન હેલ્થ સેન્ટર પર PMJAY  કાર્ડ નીકળશે. જેથી લોકો PMJAY  કાર્ડનો લાભ લઈ શકશે.  અને વડાપ્રધાને જે જાહેરાત કરી છે કે આ કાર્ડ જેની પાસે હોય છે. તેને સારામાં સારી હોસ્પિટલમાં પોતે લઈ શકશે.