મહેસાણા ચીફ કોર્ટે દૂધસાગર ડેરી સાગર દાણ કૌભાંડ મામલે વિપુલ ચૌધરી સહિત 15 આરોપીઓને દોષિત ઠેરવ્યા છે. કોર્ટે સાગર દાણ કૌભાંડ મામલે વિપુલ ચૌધરીને 7 વર્ષની સજા ફટકારી છે.
Share
દૂધસાગર ડેરી સાગર દાણ કૌભાંડ મામલો
વિપુલ ચૌધરી સહિત 15 આરોપીઓ દોષિત જાહેર
મહેસાણા ચીફ કોર્ટે સંભળાવ્યો ચુકાદો
મહેસાણાની દૂધસાગર ડેરીમાં સાગર દાણ કૌભાંડ મામલે વિપુલ ચૌધરીને મોટો ઝટકો લાગ્યો છે. મહેસાણા ચીફ કોર્ટે સાગર દાણ કૌભાંડમાં વિપુલ ચૌધરી સહિત 15 આરોપીને દોષિત જાહેર કર્યા છે.જે બાદ કોર્ટે તમામને 7 વર્ષની સજા ફટકારી છે.
22.50 કરોડનું સાગરદાણ મોકલ્યું હતું મહારાષ્ટ્ર
દૂધસાગર ડેરીમાંથી વર્ષ 2013માં 22.50 કરોડનું સાગરદાણ મહારાષ્ટ્ર મોકલવામાં આવ્યું હતું. જે બાદ કુલ 22 આરોપીઓ સામે ફરિયાદ નોંધાઈ હતી. 22 આરોપીઓમાંથી 3 આરોપીઓના મૃત્યુ થઈ ચૂક્યા છે. જ્યારે કૌભાંડ કેસમાં સંડોવાયેલા 4 કર્મચારીઓને દોષમુક્ત જાહેર કરાયા છે. 15 ઓરોપીઓને દોષિત જાહેર કરાયા છે.
શું છે મામલો?
મહારાષ્ટ્રમાં દૂધસાગર ડેરીમાંથી સાગર દાણ મોકલાયું હતું. કોઇપણ મંજૂરી વિના સાગર દાણ મહારાષ્ટ્ર મોકલાયું હતું. જેને પગલે ડેરીને રૂપિયા 22.50 કરોડનું નુકસાન થયું હતું. તત્કાલિન કૃષિમંત્રી શરદ પવારને રિઝવવા સાગરદાણ મોકલાયું હોવાનો આક્ષેપ છે.
વિપુલ ચૌધરી
વિપુલ ચૌધરીને NDDBના ચેરમેન બનવાની ઇચ્છા હતી. જેને પગલે એ વખતના કૃષિમંત્રી શરદ પવારને રિઝવવા માટે સાગરદાણ મોકલાયું હોવાના આક્ષેપ થયા હતા. મહારાષ્ટ્રમાં દુકાળનું કારણ આગળ ધરીને દૂધ સાગર ડેરીમાંથી મહારાષ્ટ્રની મહાનંદાડેરીને સાગરદાણ મોકલાયું હતું, આ અંગે કોઈપણ જાતની મંજૂરી લેવામાં આવી ન હતી. GMMFCની મંજૂરી વિના જ સાગરદાણ મોકલાયું હતું.
ચૂંટણી લડી વિપુલ ચૌધરી ડેરીના બન્યા હતા ચેરમેન
સાગરદાણ મોકલવા અંગે 17 ઓગસ્ટ 2018ના રોજ વિપુલ ચૌધરીને જવાબદાર ઠેરવાયા હતા. જે બાદ 30 દિવસમાં વિપુલ ચૌધરીને રકમ પરત કરવા આદેશ કરાયો હતો. સાથે જ વિપુલ ચૌધરીને ડેરીની ચૂંટણી લડવા પર પ્રતિબંધ લગાવાયો હતો. પ્રતિબંધ હોવા છતાં વિપુલ ચૌધરી ડેરીની ચૂંટણી લડ્યા હતા. ચૂંટણી લડી વિપુલ ચૌધરી ડેરીના ચેરમેન બન્યા હતા
ભાજપમાં હતા ત્યારે GMMFCના ચેરમેન પણ બન્યા હતા
ચેરમેન બન્યા બાદ હાઇકોર્ટના આદેશથી બરતરફ કરાયા હતા. વિપુલ ચૌધરી રાજપાની સરકારમાં ગૃહમંત્રી હતા. વિપુલ ચૌધરી ભાજપમાંથી વિધાનસભાની ચૂંટણી લડ્યા હતા. ભાજપમાં હતા ત્યારે GMMFCના ચેરમેન પણ બન્યા હતા
