- બોલિવૂડનો ખિલાડી પાન મસાલાની જાહેરાતને લઈને મુશ્કેલીમાં
- અભિનેતાને સોશિયલ મીડિયામાં થયો ટ્રોલ
- આ જાહેરાત ઓક્ટોબર 2021માં શૂટ કરવામાં આવી હતીઃ અક્ષયકુમાર
બોલિવૂડનો ખિલાડી અક્ષય કુમાર ફરી એકવાર પાન મસાલાની જાહેરાતને લઈને મુશ્કેલીમાં છે. જેને લઈને અભિનેતાને સોશિયલ મીડિયા પર ખરાબ રીતે ટ્રોલ કરવામાં આવી રહ્યો છે. હવે અક્ષયે આ અંગે પોતાનું મૌન તોડ્યું અને કહ્યું કે આ જાહેરાત ઓક્ટોબર 2021માં શૂટ કરવામાં આવી હતી. આ જાહેરાતને આવતા મહિનાના અંત સુધી બતાવી શકે છે.
આ જાહેરાત ઓક્ટોબર 2021 માં શૂટ કરવામાં આવી છે - અક્ષય કુમાર
હવે અક્ષય કુમારે તેના ટ્વિટર એકાઉન્ટ પર પાન મસાલા એડના વિવાદને લઈને એક પોસ્ટ શેર કરી છે. જેમાં તેણે એક ચેનલને જવાબ આપ્યો અને લખ્યું- જો અન્ય વસ્તુઓ સિવાય તમને ફેક ન્યૂઝમાં રસ છે, તો અહીં તમારા માટે કેટલીક સાચુ જાણવા જેવું છે. આ જાહેરાતો 13 ઓક્ટોબર, 2021ના રોજ શૂટ કરવામાં આવી હતી. ત્યારે જ મેં આ જાહેરાતો બંધ કરવાની જાહેરાત કરી હતી. ત્યારથી મારે બ્રાન્ડ સાથે કોઈ લેવાદેવા નથી. તેઓ આવતા મહિનાના અંત સુધી કાયદેસર રીતે પહેલાથી જ શૂટ કરાયેલી જાહેરાતો ચલાવી શકે છે.
વીડિયો જોયા બાદ ફેન્સે અક્ષય કુમારની ક્લાસ શરૂ કરી દીધી હતી
અક્ષય કુમારની આ એડનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. જેમાં તે શાહરૂખ ખાન અને અજય દેવગન સાથે તમાકુ બ્રાન્ડની એડ માટે જોવા મળી રહ્યો છે. આ વીડિયોમાં આ ત્રણેય સ્ટાર્સની સાથે અભિનેત્રી-મૉડલ સૌંદર્યા શર્મા પણ જોવા મળી રહી છે. અક્ષયનો આ વીડિયો ઈન્ટરનેટ પર સામે આવતા જ તેના ચાહકો ગુસ્સે થઈ ગયા અને અભિનેતાની ટીકા કરી રહ્યા છે.
ચાહકોએ કલાકારને તેણે આપેલ વચન યાદ અપાવ્યું
ફિલ્મ સ્ટારનાં આ વિડિયો પર ટિપ્પણી કરતાં તેના ચાહકોએ યાદ અપાવ્યું કે તેણે અગાઉ આ માટે ચાહકોની માફી માંગી હતી અને વચન આપ્યું હતું કે તે આ જાહેરાત ફરી ક્યારેય નહીં કરે. ત્યારે ચાહકો કહી રહ્યા છે કે લાગે છે કે તમે તમારા વચન પર ખરા ઉતરી શક્યા નથી અને ફરીથી તમે અજય દેવગન અને શાહરૂખ ખાન સાથે આ જાહેરાત કરી છે.
વર્ક ફ્રન્ટની વાત કરીએ તો અક્ષય કુમાર છેલ્લે ફિલ્મ 'મિશન રાનીગંજ'માં જોવા મળ્યો હતો. આ ફિલ્મમાં તેની સાથે પરિણીતી ચોપરા પણ જોવા મળશે.
