NOT FINISHED! / ફાસ્ટેસ્ટ ફિફ્ટી! અજિંકય રહાણેએ IPL 2023માં રચ્યો ઈતિહાસ, તાબડતોબ બેટિંગથી મચાવ્યો હાહાકાર, ટીકા કરનારાઓને લાગ્યો ઝટકો

• અજિંક્ય રહાણેની ડૂબતી કારકિર્દીની સહારો મળી ગયો
• અજિંક્ય રહાણે 19 બોલમાં ફિફ્ટી ફટકારી
• 27 બોલમાં 7 ચોગ્ગા અને 3 છગ્ગા ફટકારીને 61 રન બનાવ્યા

ઈન્ડિયન પ્રીમિયર લીગની નવી સિઝનમાં અજિંક્ય રહાણેની ડૂબતી કારકિર્દીની સહારો મળી ગયો છે. ચેન્નાઈ સુપર કિંગ્સની સાથે જોડાયા પછી મહેન્દ્ર સિંહ ધોનીએ તેને ત્રીજી મેચમાં જ રમવાની તક આપી દીધી હતી. આ સિનિયર ખેલાડીને પ્રથમ વખત પ્લેઇંગ ઇલેવનમાં તક આપવામાં આવી હતી અને તેણે ધમાકેદાર ઇનિંગ રમીને રેકોર્ડ બનાવ્યો હતો. 

ચેન્નાઈ સુપર કિંગ્સ સામે પ્રથમ બેટિંગ કરતા મુંબઈ ઈન્ડિયન્સે 8 વિકેટના નુકસાને 157 રન બનાવ્યા હતા. ઈશાન કિશને સૌથી વધુ 32 રન અને ટીમ ડેવિડે 31 રન બનાવ્યા હતા. કેપ્ટન રોહિત શર્મા 21 રન બનાવીને આઉટ થયો હતો.

6⃣1⃣ runs
2⃣7⃣ balls
7⃣ fours
3⃣ sixes@ajinkyarahane88 entertained the Mumbai crowd tonight with his classy knock ✨

WATCH his innings here 🎥🔽 #TATAIPL | #MIvCSKhttps://t.co/zQ1ZMrlqRQ

— IndianPremierLeague (@IPL) April 8, 2023

માત્ર 19 બોલમાં ફિફ્ટી ફટકારી
મુંબઈ ઈન્ડિયન્સ સામે લક્ષ્યનો પીછો કરવા ઉતરેલી ચેન્નાઈની ટીમને પહેલી જ ઓવરમાં જ ડેવોન કોનવેના રૂપમાં ઝટકો લાગ્યો હતો. આ પછી મહેન્દ્ર સિંહ ધોનીએ અનુભવી અજિંક્ય રહાણેને મેદાન પર બેટિંગ કરવા મોકલ્યો હતો. કેટલાક લોકોએ આ નિર્ણયને વિચિત્ર ગણાવ્યો હતો પરંતુ તેણે માત્ર 19 બોલમાં ફિફ્ટી ફટકારી હતી.

સૌથી ઝડપી ફિફ્ટીનો રેકોર્ડ 
ઈન્ડિયન પ્રીમિયર લીગની આ સિઝનમાં સૌથી ઝડપી ફિફ્ટીનો રેકોર્ડ બનાવીને અજિંક્ય રહાણે પરત ફર્યો છે. રહાણો 6 ચોગ્ગા અને 3 છગ્ગાની મદદથી IPL 2023ની સૌથી ઝડપી અડધી સદીનો રેકોર્ડ બનાવ્યો હતો.  27 બોલમાં 7 ચોગ્ગા અને 3 છગ્ગા ફટકારીને 61 રનની શાનદાર ઇનિંગ રમીને પાછો ફર્યો હતો.

સૌથી ઝડપી ફિફ્ટી ?
IPLની આ સિઝનમાં રાજસ્થાનના જોસ બટલર અને કોલકાતા નાઈટ રાઈડર્સના શાર્દુલ ઠાકુરે 20-20 બોલમાં અડધી સદી ફટકારી છે. અજિંક્ય રહાણેએ આ બંને કરતા 2 બોલ ઓછા લઈને ફિફ્ટી ફટકારી અને રેકોર્ડ તોડ્યો હતો. આઈપીએલના ઈતિહાસમાં સૌથી ઝડપી ફિફ્ટીની પંજાબ કિંગ્સ માટે કેએલ રાહુલ અને કેકેઆર માટે પેટ કમિન્સે 14-14 બોલમાં આ રેકોર્ડ બનાવ્યું હતું.