જળબંબાકાર / VIDEO: સામાન્ય વરસાદમાં સ્માર્ટ સિટી પાણી-પાણી, અમદાવાદના અનેક વિસ્તારો જળમગ્ન

Last Updated: 06:38 PM, 16 August 2025

FOLLOW ON

શેર કરો

વરસાદે અમદાવાદ મ્યુનિસિપલ કોર્પોરેશનની પ્રિ-મોન્સુન કામગીરીની પોલ ખોલી નાંખી. શહેરના અનેક વિસ્તારોમાં રસ્તાઓ પાણીમાં ગરકાવ થઇ ગયા હતા.જેને કારણે વાહન ચાલકો પરેશાન થયા હતા.

અમદાવાદ શહેરમાં હાલ વરસાદી માહોલ જામ્યો છે.. આજે સવારથીજ શહેરના અનેક વિસ્તારોમાં આકાશ અંધારેલું હતું.. અને બાદમાં વરસાદ તૂટી પડ્યો હતો. જો કે આ વરસાદે અમદાવાદ મ્યુનિસિપલ કોર્પોરેશનની પ્રિ-મોન્સુન કામગીરીની પોલ ખોલી નાંખી હતી.સિંધુ ભવન રોડ પર બંન્ને તરફ વરસાદી પાણી ભરાયા હતા. જેને કારણે વાહન ચાલકો પરેશાન થયા હતા.

આજે જન્માષ્ટમીના દિવસે જ અમદાવાદમાં કડાકા ભડાકા સાથે વરસ્યો વરસાદ, અનેક વિસ્તાર થયા પાણી-પાણી

ગુજરાતમાં હવામાન વિભાગે જન્માષ્ટમીના તહેવાર પર ભારે વરસાદની આગાહી કરી હતી. ત્યારે આજે વરસાદે અમદાવાદને ધમરોળ્યું હતું. સવારથી જ ગાજવીજ સાથે ભયાનક વરસાદ વરસી જતા અનેક વિસ્તાર પાણી પાણી… pic.twitter.com/WJphuwNffH
— VTV Gujarati News and Beyond (@VtvGujarati) August 16, 2025

બીજી તરફ આજે પાણીના નિકાલ માટે સ્ટેન્ડિંગ કમિટીના ચેરમેન દેવાંગ દાણી રસ્તા પર ઉતરેલા જોવા મળ્યા હતા. ડ્રેનેજ લાઈનોના ઢાંકણા ખોલાવવા માટે દેવાંગ દાણી રસ્તા પર ઉતર્યા હતા. આ ઉપરાંત દરેક વોર્ડ ઇજનેર,ડેપ્યુટી ઈજનેર,ડ્રેનેજ ખાતા અધિકારીઓએ ચાલુ વરસાદે મોરચો સંભાળી લીધો હતો.

નિકોલ, વટવા સહિતના વિસ્તારોમાં ઝરમર-ઝરમર વરસાદ શરૂ, વાતાવરણમાં ઠંડક પ્રસરાઇ#ahmedabadrain #ahmedabad #RAIN #GujaratRain #rain #RainGujarat #WeatherForecast #RainForecast #VTVDigital pic.twitter.com/FHelvFxBwS
— VTV Gujarati News and Beyond (@VtvGujarati) August 16, 2025

આ પણ વાંચોઃ વીજળીના કડાકા-ભડાકા સાથે ગુજરાતના અનેક જિલ્લાઓ વરસાદથી તરબોળ, અમદાવાદ જળબંબાકાર

શહેર થલતેજ અંડરપાસ પાસે સર્વિસ રોડ પર પાણી ભરાયા હતા.. અને વાહનચાલકો પાણીમાં વાહન બંધ પડી જવાને કારણે હેરાન-પરેશાન થયા હતા. થલતેજમાં પાણીમાંથી પસાર થતી વખતે વધારે પાણીને કારણે એએમટીએસ બસ બંધ પડી ગઇ હતી.