Gold Silver Rate / સોનાના ભાવમાં ફરી કડાકો, તો ચાંદીના ભાવમાં પણ નોંધપાત્ર ઘટાડો

Gold Silver Price Today : સોના-ચાંદીના ભાવને લઈ ફરી એકવાર મોટી અપડેટ સામે આવી છે. વાસ્તવમાં મધ્ય પૂર્વમાં વધતા ભૂરાજકીય તણાવની અસર હવે વૈશ્વિક નાણાકીય બજારો પર સ્પષ્ટ દેખાઈ રહી છે. ઈરાન અને ઈઝરાયલ વચ્ચે ફરી એકવાર તંગદિલી વધી જતાં રોકાણકારોમાં અનિશ્ચિતતાનું વાતાવરણ સર્જાયું છે. આ સ્થિતિની અસર કોમોડિટી માર્કેટથી લઈને શેરબજાર સુધી જોવા મળી રહી છે. ખાસ કરીને સોના અને ચાંદીના ભાવમાં નોંધપાત્ર ઘટાડો નોંધાતા રોકાણકારો માટે ચિંતાજનક સ્થિતિ ઊભી થઈ છે.

સોના-ચાંદીના ભાવમાં ઘટાડો

વિગતો મુજબ સપ્તાહના પ્રથમ ટ્રેડિંગ દિવસે કિંમતી ધાતુઓના બજારમાં મોટો કડાકો જોવા મળ્યો. સોનાના ભાવમાં લગભગ 2 હજાર રૂપિયાનો ઘટાડો નોંધાયો છે. અગાઉના ટ્રેડિંગ સેશનમાં ઊંચા સ્તરે બંધ થયેલું સોનું આજે ઘટીને આશરે 1.53 લાખ રૂપિયાના સ્તર સુધી પહોંચી ગયું છે. ભાવમાં આવેલા આ ઘટાડાએ ટૂંકા ગાળાના રોકાણકારોને નુકસાનની સ્થિતિમાં મૂકી દીધા છે. ચાંદીના બજારમાં તો વધુ મોટો ઘટાડો નોંધાયો છે. એક જ દિવસમાં ચાંદીના ભાવમાં 6 હજાર રૂપિયાથી વધુનો ઘટાડો થતાં તેનો ભાવ 2.41 લાખ રૂપિયાની આસપાસ પહોંચી ગયો છે. કિંમતી ધાતુઓમાં આવેલા આ મોટા ઉતાર-ચઢાવને કારણે બજારમાં સાવચેતીનો માહોલ જોવા મળી રહ્યો છે.

માત્ર કોમોડિટી માર્કેટ જ નહીં, પરંતુ ભારતીય શેરબજાર પર પણ તેની સીધી અસર પડી છે. સપ્તાહની શરૂઆતમાં જ સેન્સેક્સ અને નિફ્ટી બંનેમાં નબળાઈ જોવા મળી હતી. રોકાણકારોએ વૈશ્વિક પરિસ્થિતિને ધ્યાનમાં રાખીને વેચવાલી તરફ ઝોક દર્શાવતા બજારમાં ભારે દબાણ સર્જાયું હતું. જોકે દિવસ દરમિયાન કેટલાક તબક્કે મર્યાદિત સુધારો પણ જોવા મળ્યો હતો.

આ પણ વાંચો : IPOનો વરસાદ, 7 કંપનીઓનું લિસ્ટિંગ, આ આઈપીઓ પર રોકાણકારોની નજર

નાણાકીય વિશ્લેષકોનું માનવું છે કે મધ્ય પૂર્વમાં તણાવ વધુ વધે તો આગામી દિવસોમાં બજારોમાં અસ્થિરતા યથાવત રહી શકે છે. રોકાણકારો હાલમાં વૈશ્વિક ઘટનાઓ, ક્રૂડ ઓઈલના ભાવ અને આંતરરાષ્ટ્રીય રાજકીય પરિસ્થિતિ પર નજીકથી નજર રાખી રહ્યા છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ