કૌભાંડ / કોવિડ સેન્ટર નહીં હોવા છતાં આ 2 હોસ્પિટલ માટે AMCએ PPE કીટ પાછળ કર્યો આટલા લાખનો ધૂમાડો

Kavan

Last Updated: 10:22 AM, 27 September 2020

FOLLOW ON

શેર કરો

કોરોનાકાળમાં મહાનગરપાલિકાની હોસ્પિટલોમાં PPE કીટની ખરીદીમાં કૌભાંડ સામે આવ્યું છે. LG અને શારદાબહેન હોસ્પિટલમાં કોવિડ સેન્ટર ન હોવા છતાં PPE કીટની ખરીદી કરાઈ છે. PPE કીટની ખરીદી પાછળ 33 લાખ રૂપિયા ખર્ચ કરાતા અનેક સવાલો ઉઠ્યા છે.

કોરોનાકાળમાં મ્યુનિ. હોસ્પિટલોમાં PPE કીટની ખરીદીમાં કૌભાંડ
LG અને શારદાબહેન હોસ્પિટલમાં PPE કીટ ખરીદીમાં કૌભાંડ
કોવિડ સેન્ટર ન હોવા છતાં AMCની 2 હોસ્પિટલે ખરીદી PPE કીટ

ઉલ્લેખનીય છે કે, RTI એક્ટિવિસ્ટ પંકજ ભટ્ટે કરેલી RTIના જવાબમાં પર્દાફાશ થયો છે. માર્ચ-એપ્રિલમાં LG હોસ્પિટલે અલગ અલગ ભાવે રૂપિયા 8.75 લાખની PPE કીટ ખરીદી હતી. જ્યારે શારદાબહેન હોસ્પિટલે માર્ચથી જુલાઇમાં 25 લાખથી વધુની PPE કીટ ખરીદી હતી.

LG હોસ્પિટલે 13થી 16 એપ્રિલ વચ્ચે અલગ અલગ ભાવે PPE કીટ ખરીદી કરાઇ

આપને જણાવી દઇએ કે, LG હોસ્પિટલે 13થી 16 એપ્રિલ વચ્ચે અલગ અલગ ભાવે PPE કીટ ખરીદી હતી. જોકે 20થી 21 એપ્રિલ વચ્ચે મ્યુનિ. સેન્ટ્રલ સ્ટોર દ્વારા 5700 નંગ PPE કીટ મળી હતી. તેમ છતાં 30 એપ્રિલે 575 જેટલી PPE કીટ ખરીદવામાં આવી હતી.

28500થી વધુ PPE કીટ અપાઇ

20 એપ્રિલથી 12 જુલાઇ સુધીમાં 28500થી વધુ PPE કીટ અપાઇ હતી. આ ઉપરાંત દાનમાં પણ 1070 જેટલી PPE કીટ મળી હતી. દર મહિને એક વખત અડધા તો બીજી વખત ડબલ ભાવે PPE કીટ ખરીદાઇ છે. PPE કીટની ખરીદીમાં ભાવની વિસંગતતાથી મોટા ભ્રષ્ટાચારની આશંકા છે.

સંકળાયેલા મુદ્દાઓ

coronavirus