અમદાવાદી યુવાન જયેશ પટેલ ઈન્દિરા ગાંધી ઈન્ટરનેશનલ એરપોર્ટ ઉપર વૃધ્ધના ગેટપમાં વિદેશ જઈ રહ્યો હતો અને પકડાઈ ગયો. હવે સ્થિતિ એવી છે કે એરપોર્ટ પર પસાર થનાર દરેક વદ્ધને એરપોર્ટ ઓથોરિટી શંકાની નજરે જુવે છે. વળી, ગઈ કાલે પંજાબમાં આવો જ ગુરમીતનો બીજો કિસ્સો સામે આવતા દરેક વડિલ મુસાફરની કડક પૂછપરછ અને તપાસ કરવામાં આવી રહી છે.
જયેશ પટેલ 81 વર્ષનો ભાભો બનીને વિદેશ જવાની ફિરાકમાં હતો
ગુરદીપસિંહ છેલ્લા 15 વર્ષથી વૃદ્ધ બનીને વિદેશ જતો હતો
કબુતરબાજીના આવા કેટલાક કેસ હવે સ્કેન થશે
ઈન્દિરા ગાંધી ઈન્ટરનેશનલ એરપોર્ટ પર હજારો વૃદ્ધો આવન જાવન કરે છે
દિલ્હી ઈન્ટરનેશનલ એરપોર્ટ ઉપરથી રોજના 5000થી 6000 વૃદ્ધો મુસાફરી કરે છે. આ તમામ લોકો વિદેશ આવતા જતા હોય છે. જેમાંથી 250થી 300 મુસાફર વ્હીલચેરનો વપરાશ કરે છે જેમની ઉંમર વધારે હોય છે. આવા મુસાફરો હવે એરપોર્ટ ઓથોરિટીની શંકાનું કેન્દ્ર બન્યા છે.
કેવી રીતે પકડાયો હતો જયેશ
8મી સપ્ટેમ્બરે નવી દિલ્હીના ઈન્દિરા ગાંધી ઈન્ટરનેશનલ એરપોર્ટ પર એક 32 વર્ષનો યુવાન વ્હીલચેરમાં બેસીને એરપોર્ટ આવ્યો હતો. આ યુવકે આબેહૂબ 81 વર્ષના દાદા જેવો વેશ ધારણ કર્યો હતો. વાળ, દાઢી, ચશ્મા, પાઘડી અને કપડાં તમામ અસલ વૃધ્ધ જેવું હતુ. પણ સમયની થપાટે ચહેરા ઉપર ઉપસેલી કરચલીઓ યુવક છુપાવી નહોતો શક્યો યુવક ચહેરા પર નકલી કરચલીઓ બનાવી નહોતો શક્યો અને છેવટે ચામડીના કારણે ઝડપાઈ ગયો.
કોના પાસપોર્ટ ઉપર જયેશ જઈ રહ્યો હતો
પાસપોર્ટમાં તેનું નામ અમરીક સિંહ અને જન્મ તારીખ 1 ફેબ્રુઆરી, 1938 હતી. છેવટે તેની સઘન પૂછપરછ કરતા ખબર પડી કે, તે વૃદ્ધ નથી પણ યુવાન છે. બાદમાં તેણે પોતાનું સાચું નામ જયેશ પટેલ કહ્યું હતું. આ યુવક અમદાવાદનો 32 વર્ષીય યુવક છે. તુરંત જ તેને ઈમિગ્રેશન ડિપાર્ટમેન્ટને હવાલે કરી દેવાયો હતો.
શું છે ગુરદીપસિંહનો મામલો
પંજાબનો ગુરદીપસિંહ છેલ્લા 15 વર્ષથી એરપોર્ટ સિક્યોરીટીની આંખમાં ધૂળ નાંખી રહ્યો હતો. 1995માં ગુરદીપસિંહ પોતાના પાસપોર્ટ ઉપર હોંગકોગ ગયો હતો. આ પછી તેની હોંગકોગંથી પંજાબની અવર જવર ચાલુ રહી. પણ પંજાબના મોગા જિલ્લામાં રહેતો ગુરદીપ સિંહને હોંગકોંગનું પરમેન્ટ આઈડી એટલેકે ત્યાનું નાગરિકત્વ મળવું મુશ્કેલ હતુ. એટલે તેણે 2006માં ગુરદીપે એક એજન્ટનો સંપર્ક સાધ્યો. આ એડન્ટે તેને નકલી પાસપોર્ટ બનાવી દીધો. તેનું નવું નામ હતું કરનૈલ સિંહ જેના ઉપર ફોટો ગુરદીપનો જ હતો. 2006 બાદ કરનૈલ સિંહને નામે ગુરદીપે વારંવાર હોંગકોંગની મુસાફરી કરી અને ત્યાની નાગરિકતા પણ હાંસલ કરી લીધી