ઝારખંડ / કોચ સરે દારૂ પીને કરી છેડછાડ, દેશની બે મહિલા બેડમિન્ટન ખેલાડીઓએ કર્યા સનસનીખેજ આક્ષેપ

• કોચ રાહુલ કુમાર પર છેડછાડનો ગંભીર આરોપ લગાવવામાં આવ્યો
• હાલ પોલીસ આ વાતની જાંચ કરી રહી છે. 
• રાહુલ આ બધા આરોપને ખોટા કહી રહ્યા છે. 

ઝારખંડના પશ્ચિમ સિંહભૂમ જીલ્લામાં બે મહિલા બેડમિન્ટન ખેલાડીઓ દ્વારા સીનીયર ખેલાડી અને કોચ રાહુલ કુમાર પર છેડછાડનો ગંભીર આરોપ લગાવવામાં આવ્યો છે. બંને મહિલા ખેલાડીઓએ આ વાતને લઈને ચાઈબાસા સદર પોલીસ સ્ટેશનમાં ફરિયાદ નોંધાવી છે. જો કે હાલ પોલીસ આ વાતની જાંચ કરી રહી છે. 

મહિલા ખેલાડીઓએ જણાવ્યું હતું કે ચાઈબાસા ઇનડોર સ્ટેડીયમમાં સીનીયર ખેલાડી અને કોચ રાહુલ કુમારે એમની સાથે છેડતી કરી અને બંનેને પરેશાન કરી હતી. સાથે જ ધમકાવતા કહ્યું હતું કે જો કોઈને કહેશો તો તેનો અંજામ સારો નહીં આવે. 

આ કેસમાં જીલ્લા ખેલ પદાધિકારીને પણ મહિલા ખેલાડીઓ એ શંકાના દાયરામાં લાવ્યા છે. વાત એમ છે કે આ છેડતીની ઘટના બે વખત થઇ છે. પહેલી 25 મે અને બીજી 31 મે ના રોજ થઈ હતી. પહેલી મહિલા ખેલાડીએ આ વિષે 2 જુનના રોજ જીલ્લા ખેલ પદાધિકારીને ફરિયાદ કરી હતી અને બીજી મહિલા ખેલાડીએ 6 જુનના દિવસે શિકાયત કરી હતી. 

બે વખત મહિલા ખેલાડીઓ એ ફરિયાદ કરી હતી છતાં પણ જીલ્લા પદાધિકારી એ આરોપી રાહુલ કુમાર સામે કોઈ કાર્યવાહી ન કરી. અંતે કંટાળીને બંને મહિલા ખેલાડીઓએ રવિવારે એક સાથે ચાઈબાસા સદર પોલીસ સ્ટેશનમાં ફરિયાદ નોંધાવી હતી. ફરિયાદમાં એક મહિલા ખેલાડીએ જણાવ્યું છે કે 31 મેની રાત્રે તેમના કોચ રાહુલે દારૂના નશામાં છેડતી કરી હતી અને એ પછી એ જ રાત્રે એ મહિલા ખેલાડી તેના ઘરે પાછી ચાલી ગઈ હતી. 

બીજી મહિલા ખેલાડીએ ફરિયાદમાં કહ્યું છે કે 25 ના દિવસે સવારે 8:૩૦ ની આસપાસ રાહુલ કુમાર જે એમના સિનયર છે આજે સાથે જ ઝારખંડના કોચ છે એમને તેમની સાથે છેડતી કરી હતી અને દુરવ્યવહાર કર્યો હતો. હાલ પોલીસ આ વાતની જાંચ કરી રહી છે અને રાહુલ આ બધા આરોપને ખોટા કહી રહ્યા છે.