મોટી સફળતા / ચંદ્રયાન-3 બાદ ISROએ આપ્યા સૌથી મોટા ગુડ ન્યૂઝ, ગગનયાન મિશનનો મહત્વનો પડાવ પાર

ચંદ્રયાન-3 અને આદિત્ય એલ-1 મિશન પછી ISRO એટલે કે ભારતીય અવકાશ સંશોધન સંસ્થાએ ગગનયાન મિશનની તૈયારીમાં બીજી મોટી સફળતા હાંસલ કરી છે. ભારતીય અંતરિક્ષ એજન્સીએ માહિતી આપી છે કે ક્રાયોજેનિક એન્જિનનું પરીક્ષણ બુધવારે પૂર્ણ થઈ ગયું છે. ખાસ વાત એ છે કે ISRO આના દ્વારા ભારતીય અવકાશયાત્રીઓને મોકલવાની તૈયારી કરી રહ્યું છે. ઈસરોએ માહિતી આપી છે કે CE20 ક્રાયોજેનિક એન્જિન હવે ગગનયાન મિશન માટે 'માનવ રેટેડ' છે. વધુ માહિતી આપવામાં આવી હતી કે, કઠોર પરીક્ષણ પછી એન્જિનની કાર્યક્ષમતા જાહેર કરવામાં આવી છે. ખાસ વાત એ છે કે હવે આ એન્જિન LVM3 વાહનના ઉપરના સ્ટેજને પાવર આપશે. ISRO અનુસાર, પ્રથમ માનવરહિત ગગનયાન મિશન (G1) 2024 ના બીજા ક્વાર્ટરમાં પૂર્ણ થઈ શકે છે.

Mission Gaganyaan:
ISRO's CE20 cryogenic engine is now human-rated for Gaganyaan missions.

Rigorous testing demonstrates the engine’s mettle.

The CE20 engine identified for the first uncrewed flight LVM3 G1 also went through acceptance tests.https://t.co/qx4GGBgZPv pic.twitter.com/UHwEwMsLJK

— ISRO (@isro) February 21, 2024

ટેસ્ટ કેવી રીતે કરવામાં આવ્યો?

ISRO અનુસાર માનવ રેટિંગ ધોરણો હેઠળ CE20 એન્જિનને લાયક બનાવવા માટે ચાર એન્જિનને અલગ-અલગ પરિસ્થિતિઓમાં 39 હોટ ફાયરિંગ ટેસ્ટમાંથી પસાર થવું પડ્યું હતું. આ પ્રક્રિયા 8 હજાર 810 સેકન્ડ સુધી ચાલી હતી. ખાસ વાત એ છે કે લાયકાત હાંસલ કરવા માટે એન્જિનને 6 હજાર 350 સેકન્ડ સુધી આ પરીક્ષણોમાંથી પસાર થવું પડે છે.

Mission Gaganyaan:
TV-D1 Test Flight

The test flight can be watched LIVE
from 0730 Hrs. IST
on October 21, 2023
at https://t.co/MX54CwO4IUhttps://t.co/zugXQAYy1y
YouTube: https://t.co/75VtErpm0H
DD National TV@DDNational#Gaganyaan pic.twitter.com/ktomWs2TvN

— ISRO (@isro) October 19, 2023

વધુ વાંચો : બ્લેક હોલના રહસ્યનો થશે પર્દાફાશ, ISROના એસ્ટ્રોસેટે મેળવી એવી જાણકારી કે થઇ શકે છે ચોંકાવનારા ખુલાસા

ગગનયાન મિશન શું છે?

ગગનયાન મિશન હેઠળ ISRO ત્રણ દિવસના મિશન માટે 400 કિમીની ભ્રમણકક્ષામાં ત્રણ સભ્યોના ક્રૂને મોકલવાની તૈયારી કરી રહ્યું છે. તેમજ ભારતીય જળસીમામાં તેમનું સુરક્ષિત ઉતરાણ પણ ઈસરોના મિશનનો એક ભાગ છે. આ મિશનનું નામ સંસ્કૃત શબ્દ પરથી રાખવામાં આવ્યું છે, જેનો અર્થ થાય છે આકાશમાં લઈ જનાર વાહન. મીડિયા રિપોર્ટ્સ અનુસાર ગગનયાન પ્રોજેક્ટ પર 9000 કરોડ રૂપિયાનો ખર્ચ થઈ શકે છે. જો સ્પેસ એજન્સી આ મિશનમાં સફળ થશે તો ભારત અવકાશમાં માનવ મોકલનાર ચોથો દેશ બની જશે. આ પહેલા સોવિયત સંઘ, અમેરિકા અને ચીન આ ઐતિહાસિક સિદ્ધિ મેળવી ચૂક્યા છે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો