- જેકમેન હોલીવુડના ફેમસ અભિનેતા
- જેકમેન ગે હોવાની અફવા ફેલાઈ
- જાણો શું છે આ અફવા પાછળનું સત્ય
જેકમેન હોલીવુડના ફેમસ અભિનેતા છે. આ અભિનેતા ‘ધ વોલ્વરીન’ માટે ફેમસ છે. જેકેમને અનેક ફિલ્મો કરી છે, છેલ્લે તેમણે ફિલ્મ ‘ધ સન’માં કામ કર્યું હતું. વર્ષ 2022માં આવેલ આ ડ્રામા સીરિઝમાં પીટર મિલરની ભૂમિકા ભજવી હતી. જેકમેને ‘ધ વોલ્વરીન’નું પાત્ર ભજવીને એક અલગ ઓળખ બનાવી છે. જેકમેનના ફેન ઈન્સ્ટાગ્રામ પર તેમને ફોલો કરે છે. હાલમાં જેકમેન એક અફવાને કારણે ચર્ચાનો વિષય બની ગયા છે.
જેકમેન બાબતે ગૂગલ પર સૌથી વધુ સર્ચ કરવામાં આવ્યું છે કે, ‘શું હ્યૂ જેકમેન ગે છે?’ આ અફવા ક્યારે અને કેવી રીતે ફેલાઈ તે અંગે અહીંયા જણાવવામાં આવ્યું છે. વર્ષ 2003માં ફિલ્મ ‘ધ બોય ફ્રોમ ઓજેડ’ રિલીઝ થઈ હતી. આ ફિલ્મમાં જેકમેને સિંગર પીટર એલેનનું પાત્ર ભજવ્યું હતું અને તેમના કો-એક્ટર જારોડ એમિકને લોન્ગ લિપ કિસ કરી હતી. ત્યારથી અફવા ઉડવા લાગી હતી કે, તે ગે (સમલૈંગિક) છે. એક્ટર જેકમેને વર્ષ 2018માં યૂએસ રેડિયો પર જણાવ્યું હતું કે, ‘મેં માત્ર મારા હોઠ બંધ કર્યા હતા. મને ખૂબ જ હસવું આવી રહ્યું હતું. જેથી હું તેને કિસ કરતો રહ્યો. મેં વિચાર્યું જ્યાં સુધી મારું હસવાનું બંધ નહીં થાય ત્યાં સુધી આમ જ રહીશ. મારી બોડી હલી રહી હતી તેથી આ પ્રકારની અફવા ઉડવા લાગી.’
જેકમેને વર્ષ 1996માં ડેબોરા-લી ફર્નેસ સાથે ધામધૂમથી લગ્ન કર્યા હતા. ડેબોરા-લી ફર્નેસ અને જેકમેનની પહેલી મુલાકાત ઓસ્ટ્રેલિયાના ટીવી શોના સેટ પર થઈ હતી. ડેબોરા જેકમેન કરતા 13 વર્ષ મોટી છે. જેકમેન અને ડેબોરાને વિશ્વના બેસ્ટ કપલમાંથી એક કપલ કહેવામાં આવતું હતું. લગ્નના 27 વર્ષ પછી વર્ષ 2023માં તેમના ડાયવોર્સ થયા હતા.
વધુ વાંચો: ફરીવાર શરણાઇથી ગૂંજી ઉઠશે બોલિવુડ ઇન્ડસ્ટ્રી: ત્રણ વરસના ડેટિંગ બાદ રકુલ પ્રીત-જેકી ભગનાની માંડશે પ્રભુતામાં પગલાં
અક્ષય કુમાર બાબતે પણ અફવા ફેલાઈ
બોલિવુડ એક્ટર અક્ષય કુમાર બાબતે પણ આ પ્રકારની અફવા ઉડી હતી. અક્ષય કુમાર કરણ જોહરના શોમાં આવ્યા હતા, ત્યારે તેમને સવાલ પૂછવામાં આવ્યો હતો કે, તેમના વિશે કંઈ અજીબોગરીબ અફવા સાંભળી છે? જેના જવાબમાં અક્ષય કુમારે જણાવ્યું કે, ‘કેટલાક લોકોને એવુ લાગતું હતું કે, તેઓ ગે છે. મારા વિશે એવું પણ લખવામાં આવ્યું હતું કે, હું સૈફ અલી ખાન અને તુષાર કપૂર સાથે રિલેશનશીપમાં છું.’
