કાર્યવાહી / જસદણ નગરપાલિકામાં ખેલાયેલ ધીંગાણું મામલે પતિ-પત્ની સહિત 3ની ધરપકડ

જસદણ નગરપાલિકાના સેનેટરી ઇન્સ્પેક્ટર પર હુમલો કરવાના મામલે જસદણ પોલીસે એક આરોપીની ધરપકડ કરી છે. પોલીસ દ્વારા નોંધાયેલી ફરિયાદના આધારે સફાઈકર્મી સામે કાયદેસરની કાર્યવાહી હાથ ધરવામાં આવી છે.

જૂની અદાવતમાં હુમલો કર્યો હતો

મળતી માહિતી મુજબ, બે દિવસ અગાઉ નગરપાલિકામાં ફરજ બજાવતા સેનેટરી ઇન્સ્પેક્ટર પર એક સફાઈકર્મીએ હુમલો કર્યો હતો. આ હુમલો દુષ્કર્મના કેસ તેમજ જૂની અદાવતને કારણે કરવામાં આવ્યો હોવાનું પ્રાથમિક તપાસમાં સામે આવ્યું છે.

સમગ્ર ઘટના સીસીટીવીમાં કેદ થઈ

આ સમગ્ર મારામારીની ઘટના નજીકમાં લગાવવામાં આવેલા CCTV કેમેરામાં કેદ થઈ હતી. ઘટનાના વીડિયો ફૂટેજના આધારે પોલીસે તપાસ આગળ ધપાવી હતી.

કુલ ત્રણ વ્યક્તિઓ સામે ગુનો નોંધ્યો

પોલીસે CCTV ફૂટેજ અને અન્ય પુરાવાઓના આધારે બંને પક્ષના કુલ ત્રણ વ્યક્તિઓ સામે ગુનો નોંધ્યો હતો. ત્યારબાદ કાર્યવાહી કરતાં મુખ્ય આરોપી સફાઈકર્મીની ધરપકડ કરવામાં આવી છે.

આ પણ વાંચોઃ શોભાના ગાંઠિયા સમાન ભાવનગર મનપાની 13 ઇ-રિક્ષા, હવે કરાશે આઉટસોર્સિંગનો ઉપયોગ

સમગ્ર મામલે વધુ તપાસ હાથ ધરી

જસદણ પોલીસ દ્વારા સમગ્ર મામલે વધુ તપાસ હાથ ધરવામાં આવી છે અને અન્ય સંડોવાયેલા લોકોની ભૂમિકા અંગે પણ તપાસ ચાલી રહી હોવાનું જાણવા મળ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ