AAPએ જાહેર કરેલા વેજલપુરના ઉમેદવારના ચોંકાવનારા ફોટો સામે આવતા રાજકારણમાં ગરમાવો, દારૂ અને હુક્કા પાર્ટી કરતા દેખાયા
ગુજરાત આપ પાર્ટી ફરી વિવાદમાં આવી
AAPના ઉમેદવારના સામે આવ્યા ચોંકાવનારા ફોટા
ફોટા અને વીડિયો વાયરલ થતા રાજકારણ ગરમાયું
ગુજરાત AAP પાર્ટી એકવાર ફરીથી વિવાદમાં આવી છે. AAPની ત્રીજી યાદી જાહેર થતા જ વધુ એક વિવાદ સામે આવ્યો છે. વેજલપુરના જાહેર થયેલા ઉમેદવાર કલ્પેશ પટેલના ચોંકાવનારા ફોટા સામે આવ્યા છે.
ઋત્વિજ પટેલે આપ પાર્ટી પર કર્યા આકરા પ્રહાર
આમ આદમી પાર્ટીએ ગઇ કાલે પોતાના વધુ 10 ઉમેદવારોની યાદી જાહેર કરી છે. આ યાદીમાં એક ઉમેદવાર એવાં છે કે, જે પોતાના વ્યક્તિગત જીવનમાં શરાબની મહેફિલ માણતા દેખાય છે, એક ઉમેદવાર એવાં છે કે જેમની પર 300 કરોડના ભ્રષ્ટાચારના આરોપ લાગ્યા છે. એક ઉમેદવાર એવાં છે કે જેઓ નર્મદા વિરોધી અને સ્ટેચ્યુ ઓફ યુનિટીના આંદોલનના પ્રણેતા બનીને આદિવાસીઓને ગેરમાર્ગે દોરવાનું તેમજ તેમના હક છીનવવાનું કામ કરેલ છે. આમ કુલ મળીને આમ આદમી પાર્ટીના ઉમેદવારો સહિત એમના પાર્ટીના લોકોની કરણી અને કથણીમાં ફરક છે. એમનું ચાલ અને ચરિત્ર ક્યાંક ને ક્યાંક ખંડાયેલું છે. ગુજરાતની પ્રજા આ બધું જ જોઇ રહી છે અને આવનારા દિવસોમાં આમ આદમી પાર્ટીને કોઇ પણ રાજ્યમાં ન મળ્યો હોય તેવો જાકારો આપવા માટે ગુજરાતની પ્રજા સજ્જ છે.'
ઉમેદવારના ફોટા અને વીડિયો વાયરલ થતા રાજકારણ ગરમાયું
વેજલપુરના જાહેર થયેલા ઉમેદવાર કલ્પેશ પટેલના દારૂ પાર્ટી અને હુક્કા પાર્ટી કરતા વીડિયો અને ફોટો સામે આવ્યા છે. AAPના ઉમેદવારના વ્યભિચારી ફોટો સામે આવતા અનેક સવાલો AAPના ઉમેદવાર સામે અનેક સવાલો ઊભા થયા છે. જોકે આમ આદમી પાર્ટીના આ ઉમેદવારના ફોટા અને વીડિયો વાયરલ થતા રાજકારણ ગરમાયું છે. ભાજપ નેતા રૂત્વિક પટેલે પણ આપ પાર્ટી પર આકરા પ્રહાર કર્યા છે.
મહત્વનું છે કે, ગઇકાલે બુધવારના રોજ AAPએ વધુ 10 ઉમેદવારોની યાદી જાહેર કરી હતી. જેમાં વેજલપુરના ઉમેદવાર કલ્પેશ પટેલનો પણ સમાવેશ થાય છે. ત્યારે વેજલપુરના ઉમેદવાર કલ્પેશ પટેલના દારૂ અને હુક્કા પાર્ટી કરતા ચોંકાવનારા ફોટા અને વીડિયો વાયરલ થયા છે. જે મુદ્દે રાજકારણમાં ગરમાવો આવ્યો છે. ત્યારે શક્ય છે કે, આ મામલે ભાજપના અનેક નેતાઓના પણ એકબાદ એક નિવેદન સામે આવે તેવી શક્યતા છે.
ઉલ્લેખનીય છે કે, આમ આદમી પાર્ટીએ ગઇકાલે વધુ 10 ઉમેદવારોની યાદી જાહેર કરી છે. જેની યાદી નીચે મુજબ છે...
આ અગાઉ AAPએ કુલ 19 ઉમેદવારોના નામ જાહેર કર્યા હતા. જેમાંથી AAPએ બીજી વખત જાહેર કરેલા 9 ઉમેદવારોની યાદી નીચે મુજબ છે. જેમાં ચોટીલા, માંગરોળ અને ગોંડલ સહિતની બેઠકો માટેના ઉમેદવારોના નામ AAPએ જાહેર કર્યા હતા.
બેઠક
ઉમેદવાર
નિઝર
અરવિંદ ગામિત
માંડવી
કૈલાશ ગઢવી
દાણીલીમડા
દિનેશ કાપડિયા
ડીસા
ડૉ.રમેશ પટેલ
વેજલપુર
કલ્પેશ પટેલ
સાવલી
વિજય ચાવડા
ખેડબ્રહ્મા
બિપીન ગામેતી
નાંદોદ
પ્રફુલ વસાવા
પોરબંદર
જીવન જુંગી
આ અગાઉ પ્રથમ યાદીમાં AAPએ 10 ઉમેદવારોના નામ જાહેર કર્યા હતા