દોસ્તી નિભાવી / VIDEO: કચ્છમાં રહેતા આમિર ખાનના મિત્રનું અકસ્માતમાં નિધન, બેસણામાં આવી પરિવારને પાઠવી સાંત્વના

• બોલીવુડ એક્ટર આમિર ખાને દોસ્તી નિભાવી
• કોટાય ગામમાં રહેતા મિત્રના બેસણામાં પહોંચ્યા
• પરિવારજનો સાથે મુલાકાત કરી તેઓને સાંત્વના પાઠવી

 બોલીવુડ એક્ટર આમિર ખાને દોસ્તી નિભાવી. કોટાય ગામમાં રહેતા અભિનેતાના મિત્રનુ મૃત્યું થતા મિત્રના બેસણામાં પહોંચ્યા હતા. મહાવી ચાડ નામના મિત્રનુ મૃત્યું થતા આમિર ખાને તેના પરિવાર સાથે મુલાકાત કરી હતી. મહાવીર ચાડનુ બે દિવસ પહેલા અકસ્માતમાં મોત થયુ હતું. આમિર ખાને પરિવારને સાંત્વના આપી હતી.

મિત્રનું અકસ્માતમાં થયું નિધન, બેસણામાં સામેલ થવા કચ્છ આવ્યો આમિર ખાન

બોલિવૂડ એક્ટર આમિર ખાને દોસ્તી નિભાવી: કચ્છના કોટાય ગામમાં રહેતા મિત્રનું અકસ્માતમાં થયું નિધન, આમિર ખાને પરિવાર સાથે મુલાકાત કરીને સાંત્વના પાઠવી#amirkhan #bollywoodactor #kutch #kutchnews #gujarat… pic.twitter.com/XJkhvOy6Mi

— VTV Gujarati News and Beyond (@VtvGujarati) January 21, 2024

ઉદ્યોગપતિ મહાવીર ધનજીભાઈ ચાડનું અકસ્માતમાં મૃત્યું થયું
કચ્છ સાથે પોતાના સબંધને અતૂટ રાખવા માટે ફિલ્મ સ્ટાર આમિરખાન  આજે કચ્છ ખાત પહોંચ્યા હતા.  જ્યાં ભુજ તાલુકાનાં કોટાય ગામના ઉદ્યોગપતિ મહાવીર ધનજીભાઈ ચાડનું અકસ્માતમાં મૃત્યું થયું હતું. જે બાબતની જાણ આમિર ખાનને થતા આમિરખાન તેમના પરિવારજનોને સાંત્વના પાઠવવા મુંબઈથી કચ્છ આવ્યા હતા. 

અભિનેતા પારિવારિક સબંધને યાદ રાખી બેસણામાં આવ્યા
કોટાય ગામથી 7 કિલોમીટર દૂર લગાન ફિલ્મનું શુટિંગ થયું હતું. તે સમયે ધનાભાઈએ સંપૂર્ણ સેટ તૈયાર કરવા માટે અભિનેતા યુનિટને મદદ કરી હતી. સવા બે દાયકા જૂના પારિવારિક સબંધને અભિનેતા આજેય યાદ રાખી કચ્છ ખાતે બેસણામાં આવ્યા હતા. 

વધુ વાંચોઃ વનવાસથી લઈને રામમંદિર સુધી...: અમદાવાદના ફેશન ડિઝાનરે તૈયાર કર્યો ખાસ કુર્તો, PMને ગિફ્ટ આપવાની ઈચ્છા

અભિનેતા પ્રાઈવેટ જેટ મારફતે ભુજ એરપોર્ટ પહોંચ્યા
ભુજ તાલુકાનાં આહીર પટ્ટીના કોટાય ગામના 39 વર્ષીય મહાવિર ધનજી ચાડનું બનાસકાંઠાના ભીલડી નજીક અકસ્માતમાં અવસાન થયું હતું. જે બાબતની જાણ  અભિનેતાને થતા તેઓ પ્રાઈવેટ જેટ મારફતે ભુજ એરપોર્ટ ખાતે આવી પહોંચ્યા હતા. જ્યાંથી તેઓ બાય રોડ કાર મારફતે કોટાય ગામે પરિવારના ઘરે બેસણામાં પહોંચ્યા હતા.