વિશ્વ / તાઈવાનમાં 7.0ની તીવ્રતાનો મોટો ભૂકંપ, ધ્રૂજી ઉઠી બિલ્ડિંગ્સ, લોકોમાં ફેલાઈ દહેશત

તાઇવાનમાં મોટો ભૂકંપ આવ્યો છે. જેમાં અનેક ઇમારતો ધ્રુજી ઉઠી હતી. રિક્ટર સ્કેલ પર આ ભૂકંપની તીવ્રતા 7.0 મેગ્નીટ્યુડ હતી. અત્યારે તેમાં કુલ કેટલું નુકશાન થયું છે તે સામે નથી આવ્યું. જેમાં સ્થાનિક અધિકારીઓ અસરગ્રસ્ત લોકોની સંખ્યાની માહિતી ભેગી કરી રહ્યા છે.

આ ભૂકંપનું કેન્દ્ર યિલાન કન્ટ્રી હોલથી 32.3 કિમી પૂર્વમાં હતું. તેની ઊંડાઈ જમીનથી 72.8 કિમી નીચે હોવાનું સામે આવ્યું છે. આ ભૂકંપથી રાજધાની તાઈપેઈમાં અનેક ઇમારતો ધ્રુજી ઉઠી હતી. તાઇવાન બે ટેક્ટોનિક પ્લેટોના જોડાણ પાસે સ્થિત છે. આથી અહીંયા ભૂકંપનો ખતરો રહે છે.

આ ભૂકંપના સીન સોશિયલ મીડિયા પર વાયરલ પણ થયા છે. જેમાં લોકો દુકાનો અને ઘરોમાંથી બહાર દોડતા જોવા મળ્યા હતા. તો ફાર્મસીના એક વીડિયોમાં લોકો ભૂકંપ આવતા દોડતા જોવા મળે છે.  બીજા વીડિયોમાં એક એપાર્ટમેંટમાં બધું હલતું જોવા મળે છે.

આ અંગે તાઇવાનની નેશનલ ફાયર એજન્સીએ જણાવ્યું હતું કે, અમારા દ્વારા નુકસાનનું મૂલ્યાંકન ચાલુ છે. ભૂકંપ બાદ કોઈ પણ સુનામીની ચેતવણી જાહેર નથી કરાઈ. જેમાં કોઈ મોટા નુકસાનના અહેવાલ નથી મળ્યા. એજન્સીએ લોકોને તાત્કાલિક રાખવા, હાનિકારક વસ્તુઓથી દૂર રહેવા, જૂતા અને ફ્લેશલાઇટ પાસે રાખવાની સલાહ આપી રહ્યા છે.

વધુ વાંચો : "બધા ભારતીયોને અમેરિકામાંથી હાંકી કાઢો, નહીંતર..." અમેરિકન પત્રકારના ઝેરીલા શબ્દો

અગાઉ પણ તાઇવાનમાં ઘાતક ભૂકંપ આવી ચુક્યા છે. જેમાં વર્ષ 2016 માં દક્ષિણ તાઇવાનમાં આવેલા પાવરફુલ ભૂકંપનો પણ સમાવેશ થાય છે જેમાં 100 થી વધુ લોકોના અવસાન થયા હતા. તો વર્ષ 1999 માં 7.3 ની તીવ્રતાનો ભૂકંપ આવ્યો હતો જેમાં 2000 થી વધુ લોકોના મૃત્યુ થયા હતા. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ