કોમર્સમાં ગ્રેજ્યુએટ થયા બાદ પોતાની કંપની શરૂ કરનાર ભીલવાડાના એક ખેડૂતે પોતાના પિતાના મૃત્યુ બાદ ખેતી શરૂ કરી હતી. મજબૂરીમાં શરૂ કરેલી ખેતીમાં અત્યારે ભીલવાડાનો આ ખેડુત લાખો રૂપિયા કમાઈ રહ્યો છે.
Share
રાજસ્થાનનો અભિષેક જૈન નામનો ખેડૂત પરંપરાગત ખેતીની રીત છોડીને આધૂનિક ખેતી કરી રહ્યો છે. જેથી તેના જીવનમાં આર્થિક સમૃદ્ધી પણ આવી છે અને તે બીજા ખેડૂતો માટે પણ પ્રેરણારૂપ બની રહ્યો છે. તે મોટા પ્રમાણમાં સફળતાપૂર્વક લીંબુની ખેતી કરતો હોવાથી તે આસપાસના વિસ્તારમાં "લેમન કિંગ" તરીકે પણ ઓળખાવા લાગ્યો છે. હાલમાં તે લાખો રૂપિયાની કમાણી કરી રહ્યો છે.
અભિષેક જૈન રાજસ્થાનના ભીલવાડા જિલ્લાના સંગ્રામગઢનો છે. જ્યાં અભિષેક 2007થી વારસામાં મળેલી 30 વીઘા જમીન પર ખેતી કરે છે. જેમાં તે લીંબુ અને જામફળની ઓર્ગેનિક ખેતી કરે છે. આના પહેલા તે એક કંપની ચલાવતો હતો છે.તે કોમર્સમાં ગ્રેજ્યુએટ થયેલો હતો. પરંતુ તેના પિતાનું અકાળે મૃત્યુ થતા તેને પોતાની કંપની બંધ કરીને ખેતી કરવાનું શરૂ કર્યું હતુ.જેમાં તેને નોંધપાત્ર સફળતા હાંસીલ કરી છે.
અભિષેકે પરંપરાગત ખેતીની જગ્યાએ કોમર્શિયલ ખેતી કરવાનું શરૂ કર્યુ હતુ. જેના માટે તેને પોતાના ખેતરોમાં રાસાયણિક ખાતરને બદલે જૈવિક ખાતરનો ઉપયોગ શરૂ કર્યો હતો. તેને ઘણો ફાયદો થયો હતો. તેની ખેતીનો ખર્ચ પણ ઘટ્યો અને જમીનની ફળદ્રુપતા પણ વધી છે. કુલ 6 એકર જમીનમાં તેને લીંબુની ખેતી માટે ચાર એકર જમીન અને જામફળની ખેતી માટે દોઢ એકર જમીન ફાળવી છે. આ સિવાય તે અડધા એકરમાં ગૌશાળા ચલાવે છે. તથા ફૂડ પ્રોસેસિંગમાં અથાણું બનાવી તેનુ વેચાણ કરી સારી ઈન્કમ કરી રહ્યો છે. જેમાં કુલ મળી તે વાર્ષિક 12 લાખ રૂપિયાથી વધુનો નફો કમાઈ રહ્યો છે.
જ્યારે અભિષેકે ખેતીની શરૂઆત કરી ત્યારે તેને યોગ્ય માર્ગદર્શનના અભાવને કારણે ઘણી મુશ્કેલીનો સામનો કરવો પડ્યો હતો. પરંતુ બાદમાં તે ખેતીની માહિતી આપતા કેટલાક વોટ્સએપ ગ્રુપમાં જોડાયો હતો. જ્યાં તેને મહત્વપૂર્ણ માહિતી મળતા તેને ખેતીની પદ્ધતીમાં ફેરફાર કર્યો હતો.
ઉલ્લેખનીય છે કે, અભિષેકે તેના મિત્રોની સલાહ બાદ લીંબુના અથાણાનું ઓનલાઈન વેચાણ શરૂ કર્યુ છે. પિકલ જંક્સન નામની બ્રાન્ડથી તે અમેઝોન પર લીંબુના અથાણાનુ વેચાણ કરી રહ્યો છે. આ અથાણા માટે તે પોતાના ખેતરમાં પાકતા 20% લીંબુનો ઉપયોગ કરે છે.
.JPG)
.JPG)
