ઈન્કમ ટેક્સ / ન્યૂ ટેક્સ રિજીમમાં પણ મળશે 8 પ્રકારની રાહત, વિગતો જાણી તમે પણ બચાવી શકશો લાખો રૂપિયા

આવકવેરા રિટર્ન ફાઈલ કરવા માટે લોકો પાસે બે વિકલ્પો છે - જૂની અને નવી કર વ્યવસ્થા. કેન્દ્રએ  બજેટમાં બદલાવ કરી નવી કર વ્યવસ્થા દાખલ કરી હતી. નવી કર વ્યવસ્થામાં ટેક્સપેયર્સને 8 પ્રકારની  છૂટ આપવામાં આવી છે. અમે તમને ન્યૂ ટેક્સ રિજીમમાં કઈ રીતે ટેક્સ બચાવી શકાય તે જણાવીશું.

• દિવ્યાંગ કરદાતાઓ માટે ન્યૂ ટેક્સ રિજીમમાં અલગથી રાહતની જોગવાઈ કરવામાં આવી છે. જો દિવ્યાંગ કરદાતાઓને કોઈ પરિવહન ભથ્થું મળે તો તે રકમ પર ઈન્કમ ટેક્સ મુક્તિનો દાવો કરી શકે છે. આ રાહત ખાનગી અને સરકારી બંનેને લાગુ પડશે.
• ઈન્કમ ટેક્સની કલમ 10(10C) મુજબ, સ્વૈચ્છિક નિવૃત્તિ લીધા પછી ગ્રેચ્યુટી અને લીવ ઈનકેશમેન્ટવાળી રોકડ રકમ પર પણ કોઈ ટેક્સ લેવામા નહીં આવે. 
• ન્યૂ ટેક્સ રિજીમમાં તમને મળેલી ગીફ્ટમા ટેક્સમાં રાહત મળશે. તમને 50,000 રૂપિયા સુધીની ગીફ્ટ પર જ આવકવેરા મુક્તિ મળી શકે છે.
• જે પરિવારોનું ગુજરાન પેન્શનથી થાય છે તેમને પણ ઈન્કમ ટેક્સમાં રાહત આપવામાં આવી છે. ઈન્કમ ટેક્સની કલમ 57 મુજબ  પેન્શનર્સની ફેમીલીને આવકવેરાના દાયરાની બહાર રાખવામાં આવ્યા છે.
• જો કોઈ કર્મચારીની બદલી કરાઈ હોય કે તેને કંપનીના ખર્ચે કોઈ પ્રવાસ માટે મોકલવામાં આવ્યો હોય. આ માટે કંપની દ્વારા જો કોઈપણ રકમ ચૂકવવામાં આવે તો ટેક્સ પેયર્સ આવકવેરા મુક્તિનો દાવો કરી શકે છે.
• ઑફિસમાંથી મળતા અન્ય ભથ્થાં અથવા સુવિધા માટે જે રકમ અપાય તેના પર પણ આવકવેરામાં મુક્તિને દાવો કરી શકાય.
• કર્મચારીના એમ્પ્લોયર દ્વારા NPSમાં જમા કરાવેલા પૈસા ટેક્સ મુક્ત છે. પરંતુ જો તમે NPSના ટિયર 2 એકાઉન્ટમાં વધારાના 50 હજાર રૂપિયા સુધી રોકાણ કરો છો તો તેના પર પણ ટેક્સમાં રાહત મળે છે.

વધુ વાંચો : મ્યુચ્યુઅલ ફંડમાં રોકાણ કરતાં પહેલા આ 5 બાબતોનું રાખજો ખાસ ધ્યાન, નહીંતર પસ્તાશો

• જે મકાન તમે ભાડે આપ્યુ હોય પરંતુ તમે તેની લોન ભરી રહ્યા છો તો કલમ ​​24 હેઠળ કર મુક્તિ મળી શકે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો