દિલ ધડક રેસ્ક્યુ / દ્વારકામાં તાંડવ કરતાં દરિયાની વચ્ચેથી 50 લોકોને સુરક્ષિત બચાવી લેવાયા, કોસ્ટગાર્ડના જવાનોની બહાદુરીને સલામ

• બિપરજોયને લઈ દ્વારકામાં એલર્ટ
• કોસ્ટગાર્ડે ફસાયેલાં 50 લોકોને બચાવ્યા
• ALH હેલિકોપ્ટરથી કરાયું રેસ્ક્યુ

બિપોરજોય વાવાઝોડું ત્રાટક્વાની સંભાવનાને પગલે ગુજરાત સરકાર એક્ટિવ થઈ ગઈ છે. ગુજરાતના દરિયાકિનારાના વિસ્તારોમાં કલમ 144 લાગુ કરાઈ છે. દરિયાકાંઠે સહેલાણીઓને જવા પર પ્રતિબંધ લગાવી દેવામાં આવ્યો છે. દરિયાકાંઠા વિસ્તારમાં એલર્ટની વચ્ચે દ્વારકાના દરિયામાંથી 50 લોકોનું રેસ્ક્યુ કરવામાં આવ્યું છે.

કોસ્ટગાર્ડે 50 લોકોને બચાવ્યા 
બિપરજોય વાવાઝોડાને લઈ દ્વારકામાં તંત્ર એલર્ટ થઈ ગયું છે, દ્વારકામાં ભારે પવન ફૂંકાઈ રહ્યો છે. દ્વારકાનો દરિયો ગાંડોતૂર બન્યો છે. આ વચ્ચે દ્વારકાના દરિયામાં ફસાયેલા 50 લોકોને કોસ્ટગાર્ડે બચાવી લીધા છે. વાવાઝોડાના કારણે દરિયામાં ફસાયેલા 50 લોકોને બચાવાયા છે.

કોસ્ટગાર્ડે હાથ ધર્યું રેસ્ક્યુ ઓપરેશન 
દ્વારકાના દરિયામાં ઓઈલ ડ્રિલિંગ કી સિંગોપાર નામના જહાજમાં કેટલાક લોકો ફસાયા હોવાની માહિતી મળતાની સાથે જ કોસ્ટ ગાર્ડે રેસ્ક્યુ ઓપરેશન હાથ ધર્યું હતું. ALH હેલિકોપ્ટર દ્વારા કોસ્ટ ગાર્ડ દ્વારા રેસ્ક્યુ ઓપરેશન હાથ ધરવામાં આવ્યું હતું. કોસ્ટગાર્ડના જાબાજ જવાનોએ દરિયામાં ફસાયેલા જહાજમાંથી 50 લોકોને બચાવી લીધા હતા. 

ગુજરાતમાં NDRF અને SDRF ટીમો ખડેપગે 
બિપોરજોય વાવાઝોડાને લઈને ગુજરાતમાં NDRFની 21, SDRF 13 ટીમ તૈનાત કરાઈ છે. માર્ગ અને મકાન વિભાગની 95 ટીમ સંભવિત વિસ્તારોમાં મોકલાઈ છે. ઊર્જા વિભાગની 577 ટીમો પણ ખડેપગે છે. અત્યાર સુધીમાં દરિયાકાંઠા વિસ્તારના 3 હજાર 243 લોકોને સુરક્ષિત સ્થળે ખસેડાયા છે. દ્વારકાના પ્રવાસન સ્થળો પર પણ સહેલાણીઓને ન જવા સૂચના આપવામાં આવી છે.  નારાયણ સરોવર અને કોટેશ્વર મંદિર 3 દિવસ યાત્રાળુઓ માટે બંધ કરાયું છે. 

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)