ટ્રાવેલિંગ પ્લાન / ઓક્ટોબરમાં ફરવાનો કરી રહ્યાં છો પ્લાનિંગ? તો આ છે સૌથી બેસ્ટ 5 જગ્યા, તુરંત બુક કરાવી દો

• ફરવા માટે ઓક્ટોબર મહિનો એકદમ પરફેક્ટ માનવામાં આવે છે
• ભારતના આ સ્થળોએ ઓક્ટોબર મહિનામાં ફરવા જવું જોઈએ
• એડવેન્ચરની સાથે સાથે થશે આહલાદક વાતાવરણનો અનુભવ

ફરવા માટે ઓક્ટોબર મહિનાને એકદમ પરફેક્ટ સમય માનવામાં આવે છે. આ ઋતુમાં ગરમી ઓછી હોય અને ફરવા માટે સારું વાતાવરણ હોય છે. ઓક્ટોબર મહિનામાં ગાંધી જયંતિ, રામનવમી અને દશેરાની રજાઓ આવશે. જેથી તમે ફરવા જવાનો પ્લાન બનાવી શકો છો. ઓક્ટોબર મહિનામાં કઈ જગ્યાઓએ ફરવા જવું જોઈએ, તે અંગે અહીંયા જણાવવામાં આવ્યું છે. 

હમ્પી- કર્ણાટકના હમ્પી શહેરનું નામ યૂનેસ્કોની વર્લ્ડ હેરિટેજ સાઈટમાં નોંધાયેલ છે. આ શહેર મંદિર, સ્માર્ક અને અખંડ સંરચનાઓ માટે ફેમસ છે. ઐતિહાસિક ઈમારતોને એક્સ્પ્લોર કરવા માટે હમ્પી એકદમ પરફેક્ટ સ્થળ છે. જ્યાં વિરુપક્ષા મંદિર, વિજય વિટ્ઠલ મંદિર, હનુમાન મંદિર, નદીઓના કિનારે ખંડેર, ક્વીન્સ બાથ અને લક્ષ્મી નારાયણ મંદિર જેવા સ્થળો પર જઈ શકો છો. 

આગરા- તાજમહેલ વિશ્વની સાત અજાયબીઓમાંથી એક છે, જે આગરામાં આવેલ છે. યમુના નદીના તટ પર આવેલ તાજમહેલનું નામ ટ્રાવેલ લિસ્ટમાં ના હોય તેવું બની જ ના શકે છે. ઓક્ટોબર મહિનામાં આગરા ફરી શકાય છે. આગરામાં તાજમહેલની સાથે સાથે આગરા ફોર્ટ, જામા મસ્જિદ, મેહતાબ બાગ, અકબરનો મકબરો (સિકંદરા), ફતેહપુર સીકરી પણ જઈ શકો છો. 

કોલકત્તા- ફેમિલી અથવા ફ્રેન્ડ્સ સાથે કોલકત્તા ફરવા માટે જઈ શકાય છે. ઓક્ટોબર મહિનામાં ધામધૂમથી દુર્ગા પૂજા કરવામાં આવે છે. એક સપ્તાહ સુધી દુર્ગા પૂજા મહોત્સવ ઊજવવામાં આવે છે. કોલકત્તામાં નિક્કો પાર્ક, વિક્ટોરિયા મેમોરિયલ, કાલીઘાટમાં કાળકા મંદિર અને બેલૂર મઠ જેવી જગ્યાઓએ ફરવા માટે જઈ શકો છો. 

ઋષિકેશ- ઓક્ટોબર મહિનામાં ઋષિકેષ પણ ફરવા માટે જઈ શકો છો. ગંગા નદીના કિનારે બેસીને આહલાદક વાતાવરણનો આનંદ લઈ શકાય છે. અહીંયા એડવેન્ચર એક્ટિવિટીઝ પણ કરી શકાય છે. નીલકંઠ મહાદેવ મંદિર, રામઝૂલા, લક્ષ્મણ ઝૂલા, જાનકી પુલ, નીર ગઢ ઝરણું, ઋષિકુંડ, સ્વર્ગ આશ્રમ, બીટલ્સ આશ્રમ અને ત્રિવેણી ઘાટ મુખ્ય આકર્ષણનું કેન્દ્ર છે. 

દાર્જિલિંગ- સમગ્ર વર્ષ દરમિયાન દાર્જિલિંગમાં પર્યટકોની ભીડ રહે છે. પશ્ચિમ બંગાળમાં આવેલ આ સ્થળને ભારતનું સૌથી ઉંચુ હિલ સ્ટેશન માનવામાં આવે છે. દાર્જિંલિંગમાં પદ્મજા નાયડુ પાર્ક, જૂલોજિકલ પાર્ક, રૉક ગાર્ડન, પીસ પગોડા, ટાઈગર હિલ, ઘૂમ મોનેસ્ટ્રી, સેંટ એંડ્ર્યૂ ચર્ચ અને સિંગાલીલા નેશનલ પાર્ક પણ જોવા જઈ શકાય છે.