કાર્યવાહી / તમે નથી ખાઈ રહ્યાને નકલી ઘી? ફૂડ એન્ડ ડ્રગ્સ વિભાગની રેડમાં ઝડપાયું 2700 કિલો શંકાસ્પદ ઘી

પાલનપુરમાં ફ્રુડ એન્ડ ડ્રગ્સ વિભાગ દ્વારા હિતેશ મોદીની ધાન્વી એન્ટરપ્રાઈઝ નામની દુકાનમાં ફ્રૂડ એન્ડ ડ્રગ્સ વિભાગની ટીમે રેડ કરી રૂા. 17 લાખનો 2700 કિલો શંકાસ્પદ ઘી નો જથ્થો ઝડપી પાડી કાયદેસરની કાર્યવાહી હાથ ધરી હતી. ત્યારે પેઢીમાંથી અનમોલ પ્રીમિયમ બ્રાન્ડ ઘી નાં 6 સેમ્પલ અને લુઝ ઘી નાં સેમ્પલ મળી કુલ 7 સેમ્પલ ફ્રૂડ એન્ડ ડ્રગ્સ વિભાગ દ્વારા લેવામાં આવ્યા હતા. જે સેમ્પલને ચકાસણી અર્થે લેબમાં મોકલવામાં આવ્યા હતાય તેમજ 2700 કિલો જથ્થો સીઝ કરવામાં આવ્યો છે. 

વહેલી સવારે આકસ્મિક રેડ કરી મોટો ઘી નો જથ્થો ઝડપ્યો
પાલનપુર ફ્રૂડ એન્ડ ડ્રગ્સ વિભાગની ટીમ દ્વાર ધાન્વી એન્ટરપ્રાઈઝ નામની પેઢીમાં વહેલી સવારે આકસ્મિક તપાસ હાથ ધરવામાં આવી હતી. ત્યારે તપાસ દરમ્યાન ઘી નો મોટો જથ્થો ઝડપાયો હતો. જે આજુબાજુનાં ગામોમાં મોકલવાનો હતો. ત્યારે ફ્રૂડ એન્ડ ડ્રગ્સ વિભાગ દ્વારા આ જથ્થો ઝડપી પાડી કાયદેસરની કાર્યવાહી હાથ ધરી છે.

વધુ વાંચોઃ કેન્દ્રીય ગૃહમંત્રી અમિત શાહ પાસે કેટલી સંપત્તિ છે? કેટલા રૂપિયાની લોન અને ક્યાં કર્યું છે રોકાણ? જાણો

અગાઉ અલગ અલગ કેસમાં ત્રણ વખત દંડ ફટકારવામાં આવ્યો છે
ડીસાનો હિતેશ મોદી અગાઉ પણ શંકાસ્પદ ઘી ની બનાવટમાં ઝડપાયો છે. જેમાં તેને ત્રણ અલગ અલગ કેસમાં 21 લાખ જેટલો દંડ પણ કરવામાં આવ્યો હતો. આ બાબતે ફ્રૂડ એન્ડ ડ્રગ્સ વિભાગે જણાવ્યું હતું કે, હિતેશ મોદી દ્વારા બહારથી તૈયાર સસ્તુ ઘી લાવી તેના પર અલગ અલગ બ્રાન્ડનાં પેકિંગ લગાવી ગુજરાત, રાજસ્થાનનાં અંતરિયાળ ગામોમાં વહેંચવાની કામગીરી કરવામાં આવતી હતી. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો