આધ્યાત્મ / ભગવાન જગન્નાથની 144મી રથયાત્રાને લાગી શકે છે કોરોનાનું ગ્રહણ, મહંત દિલીપદાસે આપ્યું આ નિવેદન

• રથયાત્રાને લઈ મહત્વના સમાચાર
• 144મી રથયાત્રા પર કોરોનાનું ગ્રહણ
• કોરોનાની સ્થિતિને આધારે લેવાશે નિર્ણય

અમદાવાદમાં 144મી રથયાત્રા પર કોરોનાનું ગ્રહણ લાગી શકે છે. આવતીકાલે અખાત્રીજે ત્રણેય રથનું પૂજન થશે. કોરોનાને કારણે સાદાઈથી રથ પૂજનનું આયોજન કરાશે. મહંત દિલીપદાસજી અને ટ્રસ્ટીની ઉપસ્થિતિમાં રથનું પૂજન થશે. બીજીવાર ભક્તોની હાજરી વગર પૂજા વિધિ થશે. 24 જૂનના રોજ જળયાત્રા યોજાવવાની છે. જળયાત્રા મામલે જૂનની સ્થિતિ આધારે નિર્ણય લેવાશે.

શું છે ગુજરાતમાં કોરોનાની સ્થિતિ

ગુજરાતમાં કોરોનાની સાથે સૌરાષ્ટ્રમાં મ્યુકોર્માઈકોસિસના કેસમાં વધારો થઈ રહ્યો છે. સમગ્ર સૌરાષ્ટ્રમાંથી દર્દીઓ સારવાર માટે રાજકોટ ખાતે આવી રહ્યા છે. જેને લઈ રાજકોટ સિવિલમાં મ્યુકોર્માઈકોસિસના બેડમાં વધારો કર્યો છે. 200 બેડની સંખ્યા વધારીને 500ની કરવામાં આવ્યા છે. રાજકોટ સિવિલમાં એક ENT સર્જન ઓપરેશન કરી રહ્યા છે. ટૂંક સમયમાં ભાવનગરથી 2 ENT સર્જન રાજકોટ ખાતે આવશે. ખાનગી ENT સર્જન પણ સિવિલમાં આવીને ઓપરેશન કરશે. ENT સર્જન એસો.એ સિવિલમાં ફ્રી સેવા આપવા નિર્ણય લીધો છે.

રાજકોટ કલેક્ટરનું નિવેદન

રાજકોટમાં મ્યુકોર્માઈકોસિસના કેસ વધવાનાની ઘટનામાં તંત્ર સતર્ક થયું છે. રાજકોટમાં દરરોજ 50 કેસ નોંધાઈ રહ્યા છે. જિલ્લા કલેક્ટરે કહ્યું કે, 22 ખાનગી ડોક્ટરની ટીમ સારવાર માટે કાર્યરત રહેશે.  હાલ 500 બેડની વ્યવસ્થા કરવામાં આવી છે. જરૂરિયાત મુજબ તંત્ર દ્વારા પુરતી તૈયારી કરાશે. રાજ્ય અને કેન્દ્ર સરકારનું માર્ગદર્શન લેવાઈ રહ્યું હોવાની વાત પણ કલેક્ટરે કહી છે.