સંસદ / 10 રુપિયાનો સિક્કો વેલિડ કે ઈનવેલિડ ? સરકારે સંસદમાં આપ્યો જવાબ, તમારે જાણવો જરુરી

• 10 રુપિયાનો સિક્કાને લઈને કેન્દ્રનો સંસદમાં ખુલાસો
• નાણારાજ્યમંત્રી પંકજ ચોધરીએ રાજ્યસભાને આપી માહિતી
• 10 રુપિયાનો સિક્કો લીગલ ટેન્ડર, માન્ય છે

હાલમાં લોકો 10 રુપિયાનો સિક્કો લેવાનો ઈન્કાર કરી રહ્યાં છે. લોકોને લાગી રહ્યું છે કે 10 રુપિયાનો સિક્કો હવે નહીં ચાલે. ક્યારે દુકાનદારો કે રીક્ષા ચાલકો 10 રુપિયાનો સિક્કો સ્વીકારવાનો ઈન્કાર કરતા હોય છે ત્યારે કહે કેન્દ્ર સરકારે સંસદમાં સ્પસ્ટ કર્યું છે કે 10 રુપિયાનો સિક્કો માન્ય છે કે નહીં. સરકાર વતી કહેવાયું છે 10 રુપિયાનો સિક્કો તમામ પ્રકારની લેવડદેવડમાં લીગલ ટેન્ડર તરીકે માન્ય છે અને તેનો ઉપયોગ કરી શકાય છે. સરકારની વાત પરથી સ્પસ્ટ છે કે 10 રુપિયાનો સિક્કો કાનૂની ધોરણે માન્ય છે. 

10 રૂપિયાના તમામ પ્રકારના સિક્કા લીગલ ટેન્ડર
કેન્દ્રીય નાણા રાજ્ય મંત્રી પંકજ ચૌધરીએ રાજ્યસભામાં એક પ્રશ્નના લેખિત જવાબમાં જણાવ્યું હતું કે તમામ પ્રકારના દસ રૂપિયાના સિક્કા કાનૂની ટેન્ડર છે. તેમણે કહ્યું કે ભારત સરકારના અધિકારક્ષેત્ર હેઠળ વિવિધ કદ, થીમ અને ડિઝાઇનમાં બનાવવામાં આવેલ અને આરબીઆઈ (રિઝર્વ બેંક ઓફ ઈન્ડિયા) દ્વારા પ્રસારિત કરાયેલા રૂ. 10ના સિક્કા કાનૂની ટેન્ડર છે. તેનો ઉપયોગ તમામ પ્રકારના વ્યવહારોમાં કાનૂની ટેન્ડર તરીકે થઈ શકે છે.

RBI સમયાંતરે લોકોને કરી રહી છે જાગૃત 
પંકજ ચૌધરીએ વધુમાં કહ્યું કે સમયાંતરે 10 રૂપિયાના સિક્કા ન સ્વીકારવાની ફરિયાદો આવી છે. લોકોમાં જાગૃતિ લાવવા, ગેરમાન્યતાઓ અને ડર દૂર કરવા માટે, આરબીઆઈ સમયાંતરે પ્રેસ રીલીઝ બહાર પાડે છે અને જનતાને વિનંતી કરે છે કે તે કોઈપણ સંકોચ વિના તેના તમામ વ્યવહારોમાં કાનૂની ટેન્ડર તરીકે સિક્કાને સ્વીકારે. આ ઉપરાંત RBI સમગ્ર દેશમાં આ અંગે SMS અને પ્રિન્ટ મીડિયા કેમ્પેઈન દ્વારા જાગૃતિ અભિયાન ચલાવે છે. અગાઉ આરબીઆઈએ એમ પણ કહ્યું હતું કે 10 રૂપિયાના તમામ 14 ડિઝાઈનના સિક્કા માન્ય અને કાનૂની ટેન્ડર છે.