8 ફોટો ગેલેરી

કામની વાત / વીજળીના મીટરની લીલી, લાલ, વાદળી અને પીળી લાઈટ શું કહે છે? મીટર સાચું ચાલે છે કે નહીં, આ રીતે ઓળખો!

Last Updated: 04:43 PM, 4 September 2026

FOLLOW ON

શેર કરો

વીજળીના મીટર પરની લીલી, લાલ, વાદળી અને પીળી લાઈટો સપ્લાય, વપરાશ અને ચેતવણી વિશે મહત્વની માહિતી આપે છે. જો તમને બીલ વધુ આવ્યાની શંકા થાય તો ઉપકરણો બંધ કરીને મીટર તપાસો.

1/8

1. વીજળી મીટરની લાઈટો

ઘરના વીજળીના મીટર પર ઘણીવાર લાલ, લીલી, વાદળી કે પીળી લાઈટ જોવા મળે છે. મોટાભાગના લોકો તેને ફક્ત ચમકતી લાઈટો સમજીને અવગણી દે છે પણ આ નાની લાઈટો વીજળી સપ્લાય, વપરાશ અને મીટરની સ્થિતિ વિશે મહત્વની માહિતી આપે છે. જેમાં બિલ અચાનક વધી જાય ત્યારે આ લાઈટો પર નજર રાખવી ઉપયોગી થઈ શકે છે. યાદ રાખો કે દરેક મીટર કંપની અને મોડલ અનુસાર લાઈટોનો અર્થ થોડો અલગ હોઈ શકે છે. છતાં તેને સામાન્ય રીતે નીચે મુજબ સમજી શકાય છે. તો ચાલો તેની લાઈટનો મતલબ જાણીએ.

આ તસવીર શેર કરો

2/8

2. લીલી લાઈટ

આ લાઈટ સામાન્ય રીતે બતાવે છે કે મીટરને વીજળી મળી રહી છે. ઘરમાં પાવર હોય અને લીલી લાઈટ ચાલુ હોય તો સામાન્ય રીતે બધું સારું છે. પાવર હોવા છતાં કોઈ અસામાન્ય વર્તન દેખાય તો મીટર ચેક કરવું જોઈએ.

આ તસવીર શેર કરો

3/8

3. લાલ લાઈટ

લાલ લાઈટ ઘણી વાર લોડ સાથે જોડાયેલી હોય છે. જેમાં એસી, કૂલર, મોટર, ફ્રિજ જેવા ભારે ઉપકરણો એકસાથે ચાલતા હોય ત્યારે આ લાઈટ ઝડપથી ઝબકી શકે છે. તેનો અર્થ એ નથી કે મીટર ખરાબ છે પણ વપરાશ વધુ થઈ રહ્યો છે તે સૂચવે છે.

આ તસવીર શેર કરો

4/8

4. વાદળી લાઈટ

ઘણા ડિજિટલ મીટરમાં વાદળી લાઈટ પલ્સ માટે હોય છે. જેમાં ઘરમાં વીજળી વપરાતી હોય ત્યારે તે ઝબકે છે. વપરાશ જેટલો વધુ લાઈટ તેટલી ઝડપથી ઝબકી શકે છે. આથી તમે સમજી શકો કે મીટર અસલી વપરાશ ગણી રહ્યું છે કે નહીં.

આ તસવીર શેર કરો

5/8

5. પીળી લાઈટ

પીળી લાઈટ ઘણી વાર ચેતવણી કે એલાર્મ તરીકે કામ કરે છે. જેમાં કોઈ બાબત પર ધ્યાન આપવાની જરૂર છે તેવો સંકેત આપે છે. જો તે સતત ચાલુ રહે અને મીટર પર બીજા સંકેત પણ દેખાય તો વીજળી વિભાગનો સંપર્ક કરવો વધુ સારું.

આ તસવીર શેર કરો

6/8

6. રિવર્સ લાઈટ

અમુક સ્માર્ટ મીટરમાં રિવર્સ લાઈટ હોય છે. જેમાં વીજળીનો પ્રવાહ ઊલટી દિશામાં જતો હોય ત્યારે તે ચાલુ થાય છે. સોલર પેનલ ધરાવતા ઘરોમાં આ વારંવાર જોવા મળે છે. જો તમને કારણ સમજાય નહીં તો પોતે મીટર ખોલ્યા વગર વિભાગને બોલાવો.

આ તસવીર શેર કરો

7/8

7. ટેમ્પર કે ફોલ્ટ લાઈટ

આ લાઈટ મીટરમાં છેડછાડ કે ટેકનીકલ સમસ્યાનો સંકેત આપી શકે છે. જેમાં સતત ચાલુ રહે તો તેને અવગણવું નહીં. તાત્કાલિક વીજળી વિભાગના કર્મચારી પાસે ચેક કરાવો.

આ તસવીર શેર કરો

8/8

8. ... તો મીટર ચેક કરો

મીટરની લાઈટો જોઈને તમે સમજી શકો કે વીજળી આવી રહી છે કે વપરાશ થઈ રહ્યો છે. પણ માત્ર લાઈટ જોઈને મીટર સાચું કે ખોટું છે તે કહી શકાય નહીં. જો લાગે કે મીટર વધુ યુનિટ ગણી રહ્યું છે તો ઘરના બધા ઉપકરણો બંધ કરીને થોડી વાર મીટર જુઓ. તે બાદ પણ યુનિટ વધતા રહે તો વીજળી વિભાગ પાસે મીટર ચેક કરાવો.

આ તસવીર શેર કરો

સંકળાયેલા મુદ્દાઓ

electricity meter electricity supply meter light