ભક્તિ / ગણેશ ચતુર્થીના દિવસે ભૂલ્યા વગર કરો આ 5 વસ્તુઓ ખાસ ઉપયોગ, નહીંતર અધૂરી રહી જશે દુંદાળા દેવની પૂજા, નહીં મળે ધાર્યું ફળ

• ગણેશચતુર્થીના આગમનને લઈને ભક્તો અધિરા
• ગણેશજીના જન્મોત્સવ તરીકે ગણેશચતુર્થીની ઉજવવામાં આવે છે
• આ પાંચ વસ્તુ વગર ગણેશચતુર્થી અધૂરી

હિન્દુ ધર્મમાં ગરવા ગણેશજીનું ખૂબ જ મહત્વ છે. કોઈ પણ શુભ કાર્ય હોય તેમાં સૌપ્રથમ દુંદાળા દેવ ગણેશજીની સ્થાપના કરવામાં આવતી હોય છે. તેવામાં ગણેશજીના જન્મોત્સવ તરીકે ગણેશચતુર્થીની ઉજવવામાં આવે છે. જેને લઈને ભક્તો આ તહેવારની આતુરતાથી રાહ જોતા હોય છે. આ દિવસથી દસ દિવસના ગણેશ ઉત્સવની શરૂઆત કરવામાં આવે છે અને ભગવાનના ગુણગાન ગાવામાં આવે છે. વધુમાં લોકો પોતાના ઘરે પણ ગણેશજીની મૂર્તિનું સ્થાપન કરી અને વિધિવિધાન સાથે પૂજા અર્ચના કરતા હોય છે. જેની પૂજામાં ખાસ વસ્તુનું મહત્વ રહેલું છે આવો જાણીએ વિસ્તારથી!

19 સપ્ટેમ્બરના રોજ ગણેશચતુર્થી

શાસ્ત્ર અનુસાર  શ્રાવણ મહિનાની શુક્લ પક્ષની ચોથના દિવસે ગણેશચતુર્થીની ઉજવણી કરવામાં આવતી હોય છે. આ વર્ષે 19 સપ્ટેમ્બરના રોજ ગણેશચતુર્થી ઉજવવામાં આવશે. જેને લઈને ગણેશજીના સ્વાગત માટે તૈયારીઓ ચાલી રહી છે. ખાસ મહારાષ્ટ્ર, ગુજરાત અને કર્ણાટક સહિતના રાજ્યોમાં ગણેશ ઉત્સવનું અલગ જ મહત્વ હોય છે. જેમાં મોટા મોટા પંડાલો બનાવવામાં આવે છે અને ગણપતિજીની મૂર્તિનું સ્થાપન કરવામાં આવે છે. ખાસ વાત એ છે કે મહારાષ્ટ્રમાં આ વર્ષે સૌથી ઊંચી પ્રતિમા 35 ફૂટની હોવાનું જાણવા મળી રહ્યું છે.

આ દિવસે ઉજવાશે ગણેશચતુર્થી
જ્ઞાન, બુદ્ધિ અને સુખ સમૃદ્ધિના દાતા ગણપતિ બાપાના આશિર્વાદ માટે આયોજનો થઈ રહ્યા છે. આ વર્ષે શ્રાવણ મહિનાના શુક્લ પક્ષની ચતુર્થી તિથિનો 18 સપ્ટેમ્બરે બપોરે 12.39 વાગ્યે પ્રારંભ થશે અને 19 સપ્ટેમ્બરે રાત્રે 8 વાગ્યે પૂર્ણ થશે. આવી સ્થિતિમાં ઉદયતિથિ અનુસાર વાત કરવામાં આવે તો ચતુર્થીનો તહેવાર 19 સપ્ટેમ્બરના રોજ મનાવવામાં આવશે અને ખાસ પૂજા માટેનો શુભ સમય સવારે 11.01 વાગ્યાથી પ્રારંભ થશે. જે બપોરે 01.28 વાગ્યે સમાપ્ત થશે.

ગણપતિ પૂજામાં આ પાંચ વસ્તુ છે ફરજિયાત

• શાસ્ત્ર અનુસાર ગણેશચતુર્થીના દિવસે પૂજામાં દુર્વા ઘાસનો ફરજિયાત ઉપયોગ કરવો જોઈએ. કારણ કે ભગવાન ગણેશજીને દુર્વા ઘાસ અતિપ્રિય છે. આવી સ્થિતિમા દુર્વા ઘાસ વગર પૂજા આધુરી મનાઈ છે.
• વધુમા બાપ્પાના પ્રિય એવા મોદક પણ અવશ્ય મુકવા જોઈએ. દુંદાળા દેવને મોદક ખુબ જ પ્રિય હોવાથી પૂજામાં સ્થાન આપતા બાપ્પા પ્રસન્ન થશે અને તમારી દરેક મનોકામના પૂર્ણ થઇ શકે છે.
• આ ઉપરાંત ગણેશજીની પૂજામાં લાલ ફૂલોની ગેરહાજરી હોય તો આ પૂજા અધૂરી માનવામાં આવે છે. જેથી ગણપતિ દેવની પૂજામાં લાલ ફૂલોની હાજરી મહત્વપૂર્ણ છે.
• વધુમાં ભગવાન ગણપતિને સિંદૂર પણ ખૂબ પ્રિય વસ્તુ હોવાથી પૂજામાં ભગવાન ગણેશના પ્રિય એવા સિંદૂરનું તિલક લગાવવું ન ભૂલવું જોઈએ.
• તેમજ કેળા પણ ભગવાન ગણેશને ખાસ આરોણ કરી શકો છે. કારણ કે કેળા વગર પણ પૂજા અધૂરી માનવામાં આવે છે.