World News / 'તેહરાન પરમાણુ શસ્ત્રો ન બનાવવા પર સંમત', અમેરિકા-ઈરાન વચ્ચે એમઓયુ પર હસ્તાક્ષર

Iran-America MoU: ઈરાન અને અમેરિકા વચ્ચે એમઓયુ પર હસ્તાક્ષર થયા છે. સિનિયર અમેરિકન અધિકારીઓએ મીડિયાને આ માહિતી આપી છે. આ નિવેદન બાદ અમેરિકન રાષ્ટ્રપતિ ડોનાલ્ડ ટ્રમ્પે પણ હસ્તાક્ષરની વાત કહી છે. અધિકારીઓએ જણાવ્યું કે તેમણે ઈરાન સાથે સમજૂતી કરાર (MOU) પર હસ્તાક્ષર કર્યા છે. રાષ્ટ્રપતિ ટ્રમ્પ અને ઉપરાષ્ટ્રપતિ વાન્સે તેના પર હસ્તાક્ષર કર્યા. ઈરાની સંસદના સ્પીકર કલિબાફે પણ તેના પર હસ્તાક્ષર કર્યા છે.

આ પ્રસંગે અમેરિકન રાષ્ટ્રપતિ ડોનાલ્ડ ટ્રમ્પે એક નિવેદન જારી કરીને કહ્યું કે અમેરિકા-ઈરાન કરાર પર હસ્તાક્ષર થયા છે. હોર્મુઝ સ્ટ્રેટ આંશિક રીતે ખુલી ગયું છે. જહાજો હવે બહાર નીકળી રહ્યા છે અને શુક્રવાર સુધીમાં તે સંપૂર્ણપણે ખુલી જશે. ઈરાન સાથે અમારા ખૂબ સારા સંબંધો છે. ત્યાં નેતાઓનો એક અલગ જૂથ છે.

તેમણે કહ્યું કે ત્રીજુ જુથ અમને ખૂબ સમજદાર અને મજબૂત લાગ્યું. અમે આખરે એક કરાર પર પહોંચ્યા છીએ. મને ખરાબ લાગ્યું કે મારે બે રાત માટે હુમલા કરવા પડ્યા અને હું ત્રીજા વિશે પણ વિચારી રહ્યો હતો, પરંતુ અમે તે પહેલાં એક કરાર કર્યો. પરંતુ મને લાગે છે કે મધ્ય પૂર્વમાં હમણાં ઘણી સારી વસ્તુઓ થવા જઈ રહી છે. સૌથી અગત્યનું તેલના ભાવ ઝડપથી ઘટી રહ્યા છે. શેરબજાર રોકેટની જેમ ઉપર જઇ રહ્યું છે.

આ પણ વાંચોઃ વિશ્વ / નેતન્યાહૂથી નારાજ ટ્રમ્પે આપી સાથ છોડી દેવાની ધમકી! અમેરિકા સાથ છોડે તો શું કરશે ઇઝરાયલ?

ટ્રમ્પે એમ પણ કહ્યું કે મુખ્ય વાત એ છે કે ઈરાન પાસે પરમાણુ શસ્ત્રો નહીં હોય, તેઓ તેના માટે સંપૂર્ણપણે સંમત થયા છે. અમે ખૂબ સારું કામ કર્યું છે, અને આશા છે કે અમારા સંબંધો સારા રહેશે અને અમે સાથે રહીશું. જો એવું નહીં થાય તો અમે જ્યાંથી શરૂઆત કરી હતી ત્યાં પાછા જઈશું, પરંતુ મને નથી લાગતું કે તેની જરૂર પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ