- વર્લ્ડ કપ 2023માં અપસેટ્સનો ટ્રેન્ડ
- અત્યાર સુધી 2 ઉલટફેર થઈ ચૂક્યાં છે
- ટીમ ઈન્ડિયાએ પોતાની અપકમિંગ મેચ માટે સાવધાન રહેવું જરૂરી
વર્લ્ડ કપ 2023: ઈંગ્લેન્ડને અફઘાનિસ્તાને માત આપી હતી જે બાદ સાઉથ આફ્રીકાને નેધરલેન્ડસે્ માત આપી હતી. વર્લ્ડ કપમાં ઉલટફેરનાં એંધાણ જોવા મળી રહ્યાં છે. આ જ કારણોસર આ વખતે વર્લ્ડ કપની મજા બેગણી થઈ ગઈ છે. પરંતુ આ મનોરંજનની વચ્ચે એ ટીમોને મોટું નુક્સાન થઈ શકે છે કે જે અપસેટ્સનો શિકાર બને છે. આ અપસેટ્સ ટીમોનો સ્કોર ખરાબ કરી દે છે. અત્યારસુધીમાં વર્લ્ડ કપમાં 2 ઉલટફેર થઈ ચૂક્યાં છે. વર્લ્ડ કપ 23'માં એવી અનેક મેચો જોવા મળી શકે છે જેમાં લો રેન્કિંગવાળી ટીમ ટોપ ટીમને હરાવી દે.. તેવામાં ટીમ ઈન્ડિયા પર પણ મોટું જોખમ બની શકે છે.
ટીમ ઈન્ડિયાને અપસેટ્સનું જોખમ
રોહિત એન્ડ ટીમ અત્યાર સુધી 3 મેચ જીતી ગઈ છે પરંતુ ચોથી મેચમાં ઈન્ડિયાએ એ ટીમનો સામનો કરવાનો છે જે ઉલટફેરમાં માહેર છે. તે વર્લ્ડકપમાં એક નહીં પણ 7 વખત અપસેટ્સ કરી ચૂકી છે. આ ટીમ છે બાંગ્લાદેશની.. તેણે વર્લ્ડ કપનાં ઈતિહાસમાં અનેક ટીમોને હરાવ્યું છે જેમાં ટીમ ઈન્ડિયા પણ શામેલ છે. ભારત-બાંગ્લાદેશ મેચ 19 ઑક્ટોબરનાં પૂણેમાં યોજાવા જઈ રહી છે પરંતુ આ મેચ પહેલાં જાણો અપસેટ્સમાં માહેર એવી બાંગ્લાદેશની ટીમ વિશે કેટલીક માહિતી.
બાંગ્લાદેશ ઉલટફેરમાં એક્સપર્ટ
બાંગ્લાદેશની ટીમ વર્લ્ડ કપ ઈતિહાસમાં 7 વખત ઉલટફેર કરી ચૂકી છે. બાંગ્લાદેશે પહેલો ઉલટફેર વર્ષ 1999 વર્લ્ડ કપમાં પાકિસ્તાનની સામે કર્યો હતો. બાંગ્લાદેશે દ્વિતીય અપસેટ્સ 2007માં ભારતને હરાવીને કર્યું હતું. વેસ્ટઈંડીઝમાં થયેલ વર્લ્ડ કપમાં ભારતીય ટીમ ગ્રુપ સ્ટેજથી જ બહાર થઈ ગઈ હતી. 2007માં જ બાંગ્લાદેશે સાઉથ આફ્રીકાને પણ હરાવ્યું હતું. 2011 વર્લ્ડ કપમાં બાંગ્લાદેશની ટીમે ઈંગ્લેન્ડને માત આપી. 2019 વર્લ્ડ કપમાં બાંગ્લાદેશે સાઉથ આફ્રીકા અને વેસ્ટઈંડીઝને માત આપી હતી. હવે 2023 વર્લ્ડ કપમાં બાંગ્લાદેશ ફરી ઉલટફેરની ફિરાકમાં હોય તેવું લાગી રહ્યું છે.
ટીમ ઈન્ડિયાએ સાવચેત રહેવું પડશે
એ તો સ્પષ્ટ છે કે બાંગ્લાદેશની ટીમ ઈચ્છે તો તે પોતાનું બેસ્ટ આપીને સામેની ટીમને હરાવી શકે છે. અને આ વાત ટીમ ઈન્ડિયાએ ધ્યાનમાં રાખવી પડશે કારણકે ટીમ ઈન્ડિયાને હાલમાં જ આ ટીમે વનડે સીરીઝમાં 2-1થી માત આપી છે. બાંગ્લાદેશની ટીમને ખ્યાલ છે કે ટીમ ઈન્ડિયા સામે મેચમાં કઈ રીતે જીત મેળવવી તેથી પૂણેમાં થવા જઈ રહેલી મેચમાં રોહિત શર્મા ટીમે સાવચેતી અને સંપૂર્ણ તૈયારી સાથે મેચ રમવાની ફરજ પડશે.
