ઈઝરાયલ-હમાસ યુદ્ધ / નહીં મળે સસ્તું કાચું તેલ! શું અટકી ગયો પેટ્રોલનો રસ્તો? ઈઝરાયલ અને હમાસની લડાઈના કારણે ફેલ થઈ શકે છે આ પ્લાન

• ઈઝરાયલ-હમાસ યુદ્ધના કારણે ભારતીયો પર સીધી અસર? 
• છેલ્લા બે દિવસમાં તેલના ભાવમાં 8%નો વધારો થયો છે
• અનુમાન હતું કે ક્રૂડ ઓઈલની કિંમત ઘટશે પણ યુદ્ધને કારણે પરિસ્થતિ બગડી?

આંતરરાષ્ટ્રીય બજારમાં બ્રેન્ટ ક્રૂડ ઓઈલની કિંમત પ્રતિ બેરલ 84 ડોલરને વટાવી ગઈ છે. ઈઝરાયલ-હમાસ સંઘર્ષ વચ્ચે બજારમાં અનિશ્ચિતતાને કારણે તેલના ભાવમાં ગઈકાલે 4%નો વધારો થયો હતો અને તે પ્રતિ બેરલ $87.50 પર પહોંચી ગયું હતું. તો બ્રેન્ટ ક્રૂડ ઈન્ટ્રાડે પ્રતિ બેરલ $88.41 પર પહોંચી ગયું છે. વધતા તણાવને કારણે છેલ્લા બે દિવસમાં તેલના ભાવમાં 8%નો વધારો થયો છે. જેના કારણે મોંઘવારી વધવાની સંભાવના પણ છે.

ઈઝરાયલ-હમાસ યુદ્ધના કારણે ભારતીયો પર સીધી અસર? 
વાત એમ છે કે દરેક વ્યક્તિએ અનુમાન લગાવ્યું હતું કે આ મહિને ક્રૂડ ઓઈલની કિંમત ઘટીને 75 થી 80 ડોલરની સુધી પંહોચી જશે. જે બાદ નિષ્ણાતોએ તો એવું પણ કહેવાનું શરૂ કરી દીધું કે નવેમ્બરના પહેલા અઠવાડિયાથી પેટ્રોલ અને ડીઝલ સસ્તું થવાનું શરૂ થઈ જશે. આ ઘટાડો રૂ.7 થી વધુ હોઈ શકે છે. જો કે આ અનુમાન લગાવવાની પાછળનું કારણ એ પણ હતું કે છેલ્લા 45 દિવસમાં સરકારે ગેસ સિલિન્ડરની કિંમતમાં બે વખત ઘટાડો કર્યો છે.

ઈઝરાયલ અને હમાસની લડાઈના કારણે ફેલ થઈ શકે છે આ પ્લાન 
પણ અચાનક થયેલ ઈઝરાયલ અને હમાસ વચ્ચેના આ યુદ્ધે ભારતની આ આયોજનને સંપૂર્ણપણે પાણી ફેરવી નાખ્યું હોય એવું લાગી રહ્યું છે. હાલની પરિસ્થિતિ જોઈને નિષ્ણાતોએ એક વાત સંપૂર્ણપણે સ્પષ્ટ કરી દીધી છે કે ક્રૂડ ઓઈલની કિંમતોમાં અસ્થિરતા છે અને આગામી દિવસોમાં ફ્યુલના ભાવ ઘટવાના નથી. મહત્વનું છે કે એક રિપોર્ટમાં આ વાત સ્પષ્ટ કહેવામાં આવી છે કે આ હુમલાની કોઈ અસર કાચા તેલની કિંમતોમાં જોવા નહીં મળે. તે પછી પણ અસ્થિરતાની શક્યતાઓ રહે છે.

નહીં મળે સસ્તું કાચું તેલ! શું અટકી ગયો પેટ્રોલનો રસ્તો?
જો કે ક્રૂડ ઓઈલના પ્રવાહને લઈને કોઈ ખતરો દેખાતો નથી, પરંતુ ભવિષ્યમાં આ લડાઈ પ્રોક્સી વોરમાં ફેરવાઈ શકે છે, જેના કારણે અમેરિકા અને ઈરાન એકબીજા સાથે ફસાઈ શકે છે. સમસ્યા એ છે કે તેહરાન આ હુમલાઓમાં સામેલ હોવાનો આક્ષેપ કરીને તેની સામે કોઈપણ પગલાં લેવામાં આવી શકે છે, તો હોર્મુઝ દ્વારા શિપિંગ માર્ગો માટે ખતરો ઊભો થઈ શકે છે જે એક મહત્વનો માર્ગ છે. મહત્વનું છે કે ઈરાને તેને અગાઉ બંધ કરવાની ધમકી પણ આપી હતી. 

આ સિવાય એક રિપોર્ટમાં એમ પણ કહેવામાં આવ્યું છે કે ઇઝરાયલ-હમાસ યુદ્ધને કારણે એ વાતની સંભાવના ઓછી થઈ ગઈ છે કે સાઉદી અરેબિયા દરરોજ 1 મિલિયન બેરલ ઉત્પાદનમાં ઘટાડો કરશે પણ એ શક્યતા વધી ગઈ છે કે ઇઝરાયલ ઇરાન પર હુમલો કરશે.

જો ઈરાન પ્રતિક્રિયા આપે છે અને  ઈઝરાયલ તરફથી મિડલ ઈસ્ટમાં સ્થિતિ બગડવાની કોશિશ થાય છે તો માહોલ વધુ ખરાબ થઈ શકે છે. આ તે સેન્ટિમેન્ટ્સ છે જે ક્રૂડ ઓઈલના ભાવને ઉપર તરફ રાખી રહ્યા છે. એવો અંદાજ છે કે જૂનના મધ્ય સુધીમાં બ્રેન્ટ ક્રૂડ ઓઈલની કિંમત $100ને પાર કરી શકે છે.