ઉત્તરકાશી / ચિંતાજનક સમાચાર: ઉત્તરકાશીની ટનલમાંથી શ્રમિકોના રેસ્ક્યૂમાં લાગશે એક મહિનો? વિદેશ એક્સપર્ટે ઉતાવળ કરવા મુદ્દે આપી ચેતવણી

• ઉત્તરકાશીની સિલ્ક્યારા ટનલમાં ફસાયેલા 41 મજૂરો બચાવવા માટે રેસ્ક્યું
• સુરંગ ખોદવાના એક વિદેશી નિષ્ણાતે ચિંતાજનક નિવેદન આપ્યું 
• તમામ 41 લોકોને સુરંગમાંથી બહાર કાઢવામાં એક મહિનાનો સમય લાગશે

ઉત્તરકાશીની સિલ્ક્યારા ટનલમાં ફસાયેલા 41 મજૂરો ક્યારે બહાર આવશે? આ પ્રશ્ન દેશભરના લોકોના મનમાં વારંવાર ઉઠી રહ્યો છે. લોકો અંદર ફસાયેલા કામદારોની સુરક્ષા માટે પ્રાર્થના કરી રહ્યા છે. બચાવ કામગીરી પૂરજોશમાં ચાલી રહી છે. પીએમઓ પણ આ બચાવ કામગીરી પર નજર રાખી રહ્યું છે. છેલ્લા 14 દિવસથી દરરોજ સારા સમાચારની અપેક્ષા રાખવામાં આવી રહી છે. આવી સ્થિતિમાં સુરંગ ખોદવાના એક વિદેશી નિષ્ણાતે ચિંતાજનક નિવેદન આપ્યું છે. તેમણે કહ્યું કે ક્રિસમસ સુધીમાં તમામ કામદારો તેમના ઘરે હશે.

VIDEO | "The drilling, augering has stopped. It's too much for the auger (machine), it is not going to do anything more. We are looking at multiple options, but with each option we are considering how do we make sure that 41 men come home safe and we don't hurt anyone. The… pic.twitter.com/tFvg0hCemb

— Press Trust of India (@PTI_News) November 25, 2023

કામદારોને બહાર કાઢવામાં એક મહિનો લાગશે?

ઇન્ટરનેશનલ ટનલિંગ એક્સપર્ટ આર્નોલ્ડ ડિક્સે શનિવારે કહ્યું, 'ક્રિસમસ સુધીમાં તમામ કામદારો ઘરે હશે.' આના પર પત્રકારે તેમને પૂછ્યું કે, 'આજે 25મી નવેમ્બર છે, તેનો અર્થ શું કામદારોને બહાર કાઢવામાં એક મહિનો લાગશે?' આર્નોલ્ડ ડિક્સે કહ્યું, 'તમામ 41 લોકોને સુરંગમાંથી બહાર કાઢવામાં આજથી એક મહિના સુધી થોડો સમય લાગશે. એક મહિનાની અંદર કામદારો ઘરે સુરક્ષિત રહેશે.

"No one has been hurt, everyone is well. At the moment everything is fine. You will not see the augering anymore, auger (machine) is finished, is broken. It is irrepairable, no more work from auger," says micro tunneling expert Arnold Dix on #UttarakhandTunnelRescue. pic.twitter.com/WtDkTAavie

— Press Trust of India (@PTI_News) November 25, 2023

ક્રિસમસ સુધીમાં ઘરે આવશે

આર્નોલ્ડ ડિક્સે વધુમાં કહ્યું, 'મને બિલકુલ ખબર નથી કે કામદારો કયા દિવસે બહાર આવશે. મારો કહેવાનો અર્થ એ છે કે આપણે ઉતાવળ કરવી જોઈએ નહીં. આપણે સૌથી મહત્વની બાબત ધ્યાનમાં લેવી જોઈએ અને તે એ છે કે તમામ કામદારો સુરક્ષિત રીતે બહાર આવવા જોઈએ. મને ખાતરી છે કે તે ક્રિસમસ સુધીમાં ઘરે આવી જશે.

VIDEO | Uttarkashi Tunnel Rescue: Damaged blades of the auger machine being taken out from the tunnel. Efforts to rescue 41 workers trapped inside the Silkyara tunnel has entered the 14th day.#UttarakhandTunnelRescue pic.twitter.com/Nf7SAu37DJ

— Press Trust of India (@PTI_News) November 25, 2023

મેં ક્યારેય કોઈ વચન આપ્યું નથી

ફોરેન એક્સપર્ટ આર્નોલ્ડ ડિક્સે વધુમાં કહ્યું, શરૂઆતથી જ મેં ક્યારેય વચન આપ્યું ન હતું કે તે જલ્દી બહાર થઈ જશે. મેં ક્યારેય વચન આપ્યું નથી કે આ બચાવ કામગીરી સરળ હશે. મેં ક્યારેય કહ્યું નથી કે કાલે કે આજે રાત્રે કામદારોને સુરંગમાંથી બહાર કાઢવામાં આવશે. આર્નોલ્ડ ડિક્સે કહ્યું કે સુરંગમાં ફસાયેલા 41 કામદારોને બચાવવા માટે જે ઓગર મશીનથી 'ડ્રિલિંગ' કરવામાં આવી રહી હતી તે તૂટી ગયું છે. તેમણે કહ્યું કે રેસ્ક્યુ ટીમો વર્ટિકલ અને હેન્ડ ડ્રિલિંગ સહિત અન્ય વિકલ્પો પર વિચાર કરી રહી છે. છેલ્લા કેટલાક દિવસોથી ઓજર મશીન વડે 'ડ્રિલિંગ' કરતી વખતે સતત અવરોધો આવી રહ્યા હતા. જ્યારે અન્ય વિકલ્પો વિશે પૂછવામાં આવ્યું, જેમ કે હેન્ડ અથવા વર્ટિકલ ડ્રિલિંગ, ડિક્સે કહ્યું કે તમામ વિકલ્પો પર વિચાર કરવામાં આવી રહ્યો છે. તેમણે કહ્યું, 'અમે અપનાવી રહેલા દરેક વિકલ્પના પોતાના ફાયદા અને ગેરફાયદા છે. અમારે બચાવકર્તા અને કામદારોની સુરક્ષા સુનિશ્ચિત કરવી પડશે. તેમણે કહ્યું કે ફસાયેલા લોકો અને બચાવ કાર્યકરોની સુરક્ષા સુનિશ્ચિત કરવી એ ઓપરેશનમાં રોકાયેલી ઘણી એજન્સીઓનું લક્ષ્ય છે.

VIDEO | Heavy machines for vertical drilling has reached #SilkyaraTunnel site. 41 labourers have been trapped inside the collapsed tunnel since the last 13 days.#UttarakhandTunnelRescue pic.twitter.com/jSPdUt8fdt

— Press Trust of India (@PTI_News) November 25, 2023