વાસ્તુશાસ્ત્ર / તૂટેલા-ફૂટેલા ઝાડૂનો ઉપયોગ કરનારા સાવધાન! ફૉલો કરો આ ટિપ્સ, નહીં તો માતા લક્ષ્મીજી થઇ જશે નારાજ

• તૂટેલી સાવરણીના ઉપયોગથી આર્થિક અને પારિવારિક જીવનમાં નુકસાન થાય છે
• ભૂલથી પણ ક્યારેય સાવરણી પર પગ ન મૂકવો
• સાવરણીને તિજોરી કે કબાટની પાછળ અથવા બાજુમાં ના રાખવી જોઇએ

Vastu Tips:સાવરણીનો ઉપયોગ આપણે રોજબરોજની ક્રિયામાં કરીએ છીએ. વાસ્તુ શાસ્ત્ર અનુસાર, જો તમે તમારા ઘર કે ઓફિસમાં સાવરણીનો ઉપયોગ કરો છો તો તે તૂટી ગયા પછી પણ તે વાસ્તુની દૃષ્ટિએ બિલકુલ ખોટું છે. વાસ્તવમાં, ઘણીવાર એવું જોવા મળે છે કે, લોકો તૂટેલી સાવરણીનો ઉપયોગ કરવાનું ચાલુ રાખે છે, જેનાથી તેમના આર્થિક અને પારિવારિક જીવનમાં નુકસાન થાય છે. આ સિવાય તે ઘરમાં ઘણી સમસ્યાઓને આમંત્રણ આપે છે અને તમારી સમસ્યાઓ વધારી શકે છે. તેથી, તમારે તમારા ઘર અથવા ઓફિસમાં તૂટેલી સાવરણીનો ઉપયોગ કેમ ટાળવો જોઈએ? આવો જાણીએ વિગત

ટૂટેલી સાવરણીનું શું કરવુ જોઇએ ?
સાવરણી તૂટ્યા પછી તરત જ બદલવી જોઈએ. તૂટેલી સાવરણીથી ઘરની સફાઈ કરવાથી ઘણી સમસ્યાઓ થઈ શકે છે. સાવરણીને લક્ષ્મીનું પ્રતિક માનવામાં આવે છે. તેથી ભૂલથી પણ ક્યારેય સાવરણી પર પગ ન મૂકવો. આને દેવી લક્ષ્મીનું અપમાન માનવામાં આવે છે અને તેનાથી ઘરમાં ઘણી આર્થિક સમસ્યાઓ પણ થઈ શકે છે.

તિજોરી કે કબાટની પાછળ ઝાડુ ના રાખો
આ સિવાય સાવરણી ક્યારેય પણ કબાટ કે તિજોરીની પાછળ કે બાજુમાં ન રાખવી જોઈએ, જેમાં તમે પૈસા અથવા અન્ય કિંમતી વસ્તુઓ રાખો છો. જેના કારણે પૈસાની અછત સર્જાય છે. ઉપરાંત, તે તમારી આર્થિક બાજુને વધુ નબળી બનાવી શકે છે.