સરકારી કોન્ટ્રાક્ટ મળ્યો એટલે ગમે તેમ કામ કરીને આપીશું તો ચાલશે. એવી માન્યતા સરકારી કામ મેળવનારા કોન્ટ્રાક્ટરોના મનમાં ઘર કરી ગઇ છે. આ વાતના પૂરાવા આપવાની જરૂર નથી. તેમ સુરતની એક આંગણવાડીના લોકાર્પણમાં ગયેલા શિક્ષણમંત્રીએ કામની ગુણવત્તા પ્રત્યે અસંતોષ વ્યક્ત કર્યો. યોગ્ય કામ કરવાનો આદેશ આપ્યો. આણંદના બે ગામોની શાળાનું બાંધકામ જ્યા ઇંટ અને રેતી ગુણવત્તા સવાલોમાં આવી. મહેસાણાના બ્રિજની કામગીરી પણ સવાલોમાં આવી અને સાંસદને કલેક્ટરને રજૂઆત કરવાની જરૂર પડી.પાટનગર ગાંધીનગરમાં જ સરકારી કચેરીને તોડીને નવી ડિઝાઇન સાથે કરવાનો આદેશ અપાયો. આવી કેટલાક ઉદાહરણો તમારી પાસે પણ હશે. તમારા શહેર-ગામમાં પણ સરકારી કામો સવાલોમાં રહ્યાં હશે. એ પછી ચણતરના હોય,રસ્તાના હોય કે કચેરીના હોય કે પછી વ્યવસ્થાના હોય. સરકારી કામો જે કોન્ટ્રાક્ટરને મળે છે તેની નૈતિક ફરજ કેમ ઘટી જાય છે? સરકારી કામોમાંથી માત્ર તિજોરી ભરવાનો જ વિચાર કેમ આવે છે? સરકારી કામોના નિરીક્ષણમાં ક્યા ચૂક રહી જાય છે?
- આણંદમાં સરકારી શાળાની કામગીરીમાં નબળી ગુણવત્તાના માલસામાન વપરાયો
- નિર્માણ થઈ રહેલી શાળામાં વપરાતી ઈંટો હાથમાં લેતા જ થઈ જાય છે ભુક્કો
- ગ્રામજનોએ ફરિયાદ કરતા એન્જિનિયર સ્થળ છોડીને ભાગ્યા
આણંદમાં સરકારી શાળાની કામગીરીમાં નબળી ગુણવત્તાના માલસામાન વપરાયો છે. નિર્માણ થઈ રહેલી શાળામાં વપરાતી ઈંટો હાથમાં લેતા જ ભુક્કો થઈ જાય છે. ગ્રામજનોએ ફરિયાદ કરતા એન્જિનિયર સ્થળ છોડીને ભાગ્યા. સુરતના દેરોદ ગામમાં શાળાના બાંધકામમાં હલકી ગુણવત્તાનું મટિરીયલ વપરાયું છે. પ્રફુલ પાનસેરિયાએ નિરીક્ષણ કરતા મટિરિયલ નબળી ગુણવત્તાનું હોવાનું ખૂલ્યું. શિક્ષણમંત્રીએ તાત્કાલિક નવુ કામકાજ કરવાની સૂચના આપી છે. મહેસાણામાં બ્રિજની ગુણવત્તા નબળી હોવાના સાંસદ અને ધારાસભ્યના આક્ષેપ છે. વાગડ કન્સ્ટ્રક્શન કંપનીએ કામગીરી ગુણવત્તા વગરની હોવાના MP અને MLAના આક્ષેપ. ટેન્ડરની શરતોનો ભંગ કરતા પ્રજા પરેશાન થતી હોવાનો સાંસદનો આક્ષેપ છે.
- સુરતના દેરોદ ગામમાં શાળાના બાંધકામમાં હલકી ગુણવત્તાનું મટિરીયલ વપરાયું
- પ્રફુલ પાનસેરિયાએ નિરીક્ષણ કરતા મટિરિયલ નબળી ગુણવત્તાનું હોવાનું ખૂલ્યું
- શિક્ષણમંત્રીએ તાત્કાલિક નવુ કામકાજ કરવાની સૂચના આપી
ગાંધીનગરમાં નિર્માણ પામી રહેલી પ્રાંત કચેરીને એકાએક તોડી પડાઈ. ડિઝાઈન બદલાઈ હોવાથી કચેરી તોડાઈ હોવાનો એજન્સીનો દાવો. એક વર્ષ પહેલાં અપાયેલા વર્કઓર્ડરમાં એકાએક ડિઝાઈન બદલાઈ છે. અમદાવાદના રિવરફ્રન્ટ પર લાખોના ખર્ચે તૈયાર થયેલી ઝીપ લાઈન રાઈડ ભંગાર બની છે. 2015મા શરૂ કરવામાં આવેલી ઝીપલાઈનને ઉતારવાની કામગીરી હાથ ધરાઈ છે. સી પ્લેન સંચાલનમાં અવરોધ બનતા ઝીપ લાઈન રાઈડ બંધ કરાઈ હતી.
- ગાંધીનગરમાં નિર્માણ પામી રહેલી પ્રાંત કચેરીને એકાએક તોડી પડાઈ
- ડિઝાઈન બદલાઈ હોવાથી કચેરી તોડાઈ હોવાનો એજન્સીનો દાવો
- એક વર્ષ પહેલાં અપાયેલા વર્કઓર્ડરમાં એકાએક ડિઝાઈન બદલાઈ
વડોદરાના જીવન નગરમાં 11 વર્ષ જૂના આવાસના મકાન જર્જરિત છે. મકાનની છતમાં તિરાડ દેખાતા સ્થાનિકોમાં ભયનો માહોલ છે. ભયના એંધાણ હેઠળ રહેવા માટે સ્થાનિકો મજબૂર છે. જામનગરમાં સાધના કોલોનીના હાઉસિંગના મકાન 23 વર્ષમાં થયા જર્જરિત છે. 5 હજાર જેટલા લોકો જર્જરિત મકાનમાં લોકો વસવાટ કરી રહ્યા છે. ગઈકાલે એક ઈમારત ધરાશાયી થતા એક પરિવારના 3 લોકોના મોત થયા છે. પાલિકાએ નોટિસ આપ્યા વગર જ સ્થાનિકોને મકાન કરાવ્યા ખાલી કરાવ્યા.
VTVના સવાલ
- સરકારી કામમાં નબળી ગુણવત્તા છતા નથી થતી કડક કાર્યવાહી?
- પ્રજાના પૈસાનો વ્યય કરતા કોન્ટ્રાક્ટરને કોણ છાવરી રહ્યું છે?
- કોન્ટ્રાક્ટરો સાથે સ્થાનિક તંત્રના અધિકારીઓની સંડોવણી છે?
- કોની રહેમ નજર હેઠળ અધિકારીઓને છાવરવામાં આવે છે?
- અવાર-નવાર નબળી કામગીરી સામે આવ્યા બાદ પણ તંત્ર નિંદ્રામાં?
- ભાજપના નેતાઓની ફરિયાદ બાદ હવે કાર્યવાહી થશે?
